சிறுநீரகப் பிணிகள் தீர்க்கும் ஊட்டத்தூர் நடராஜர்!

Posted by ss Saturday, January 28, 2023 0 comments

உள்ளம் பெருங்கோயில்... ஊனுடம்பு ஆலயம்' என்றெல்லாம் பாடி வைத்திருக்கிறார்கள் நம் முன்னோர். அப்படி ஆலயமாகப் பொலிவுற வேண்டிய நம் உடம்பு சுணக்கமுற்றால் என்னாவது? பழக்கவழக்கங்கள்தான் நம் உடம்பு சுணக்கமுறுவதற்குக் காரணம் என்றால், நம்மால் மாற்றிக் கொள்ள இயலும். கர்மவினை காரணம் என்றால், அவற்றை எங்கே தொலைப்பது? உள்ளத்துப் பிணிகளைப் போக்குபவை ஆலயங்கள். அதே நேரம், நம் உடற்பிணிகளுக்கும் நல்மருந்தாகி, நம் பிணிகளைப் போக்கி, ஆரோக்கியமுடன் திகழச் செய்யும் திருத்தலங்களும் நிறைய உண்டு நம் தேசத்தில்! அந்தத் தலங்களை நாடிச் சென்றால், நம் பிணிகள் நீங்கும்; வாழ்க்கை நலமுறும். இப்படி, நமக்கெல்லாம் ஆரோக்கியமான வாழ்வைத் தரும் ஆலயங்களில் ஒன்று ஊட்டத்தூர். சென்னை - திருச்சி நெடுஞ்சாலையில், திருச்சிக்கு முன்னதாக பாடலூர் என்ற இடத்தில் இருந்து சுமார் 4 கி.மீ. தூரத்தில் அமைந்திருக்கிறது அருள்மிகு சுத்த ரத்னேஸ்வரர் திருக்கோயில். ராஜராஜ சோழன் வழிபட்டு நோய்நீங்கப் பெற்றதாகச் சொல்லப்படும் இந்தக் கோயில் பலப்பல சிறப்புகளைத் தன்னகத்தே கொண்டு விளங்குகிறது. இந்தத் திருத்தலத்தில் அருளும் இறைவனுக்கு சுத்தரத்தினேஸ்வரர் என்று திருப்பெயர். அம்பாளின் திருப்பெயர் அகிலாண்டேஸ்வரி.இந்தக் கோயிலின் சிறப்பம்சம், வேறு எங்குமே காண முடியாதவாறு, ஸ்வாமி சந்நிதிக்கு நேர் எதிரிலேயே தீர்த்தம் அமைந்திருப்பது. மற்றொரு சிறப்பம்சம், இங்கே தனிச்சந்நிதி கொண்டிருக்கும் ஆடல்வல்லான்! ஆசியாவிலேயே எங்கும் கிடைக்காத அபூர்வ வகை பஞ்சநதனக் கல்லால் ஆனவர் இந்த நடராஜப் பெருமான். கொள்ளை அழகுடன் அருட்காட்சி தரும் இவருக்கு அருகிலேயே சிவகாமி அம்மையும் தரிசனம் தருகிறார். இவரைத் தரிசித்து, உரிய பூஜைகள் செய்து வழிபட்டால், சிறு நீரகக் கோளாறுகள் நீங்கும் என்று நம்பிக்கையுடன் சொல்கிறார்கள் பக்தர்கள். இதுகுறித்தும், சிறுநீரகக் கோளாறுகள் நீங்குவதற்காக இங்கே செய்யப்படும் பரிகார பூஜை பற்றியும் ஆலய அர்ச்சகர் நடராஜ குருக்களிடம் கேட்டோம். ‘‘பஞ்சநதனக் கல்லால் ஆன இங்குள்ள நடராஜர் பல்வேறு வகையான நோய்களையும் போக்கக்கூடிய வரப்பிரசாதி. குறிப்பாக, சிறுநீரகம் தொடர்பான அனைத்துப் பிரச்னைகளையும் அறவே போக்கி அருள்பவர். இதற்கு நேரடி சாட்சியாக, இங்கே வந்து வழிபட்டு, தங்கள் சிறுநீரகப் பிரச்னையிலிருந்து விடுபட்டு, அனுபவபூர்வமாகப் பலன் பெற்ற பலரை நீங்கள் இங்கே பார்க்கலாம்’’ என்றவர், பரிகார பூஜை செய்யும் முறை குறித்தும் விரிவாகப் பகிர்ந்துகொண்டார். ‘‘சிறுநீரகக் கோளாறுகளால் பாதிக்கப்பட்டவர்கள் இங்கு வந்து, கோயிலிலேயே கிடைக்கும் வெட்டிவேரை ஒரு கிலோ அளவில் வாங்கி, அதை 48 துண்டுகளாக்கி, மாலையாகக் கோத்து நடராஜருக்கு அணிவித்து, அர்ச்சனை செய்து வழிபடவேண்டும். பின்னர், அந்த மாலையைப் பிரசாதமாகப் பெற்றுக்கொண்டு, கோயிலில் அமைந்திருக்கும் பிரம்ம தீர்த்த நீரை (5 லிட்டர் கொள்ளளவு உள்ள) ஒரு கேனில் எடுத்துச் செல்ல வேண்டும். இந்த தீர்த்தம் எத்தனை நாட்களானாலும் கெடவே கெடாது என்பது சிறப்பு. வீட்டுக்குச் சென்றதும், தினமும் இரவில் பிரம்ம தீர்த்தத்தை ஒரு குவளையில் நிரப்பி, அதில் வெட்டிவேர் மாலையில் இருந்து ஒரு துண்டை எடுத்து அந்தத் தீர்த்தத்தில் போட்டு ஊற விடவேண்டும். மறுநாள் காலையில் வெட்டிவேர்த் துண்டை எடுத்துவிட்டு, அந்த தீர்த்தத்தைப் பருகவேண்டும். இப்படித் தொடர்ந்து 48 நாட்கள் பருகி வர, சிறுநீரகக் கோளாறுகள் நீங்கி ஆரோக்கியம் பெறலாம் என்பது ஐதீகம். பெண்கள் மட்டும் வீட்டு விலக்காகும் நாட்களில், இந்தத் தீர்த்தத்தைப் பருகக் கூடாது. 48 நாட்கள் முடிந்ததும், அந்த வெட்டிவேர்த் துண்டுகளை நீர் நிலைகளில் சேர்த்துவிட வேண்டும். சிறு குழந்தைகள் முதல் பெரியவர்கள் வரை பலரும் இங்கு வந்து வேண்டிக்கொண்டு தங்கள் நோய் நீங்கப்பெறுவதை அனுபவத்தில் காணமுடிகிறது. 48 நாட்கள் முடிந்ததும், அவர்கள் மறுபடியும் கோயிலுக்கு வந்து, நெஞ்சம் நெகிழ நடராஜப் பெருமானுக்கு அபிஷேகம், அர்ச்சனை செய்து வழிபட்டுச் செல்கிறார்கள்’’ என்று சிலிர்ப்புடன் விவரித்தார் நடராஜ குருக்கள். சிறுநீரகக் கோளாறுகள் என்றில்லை, நமது சகல பிரச்னைகளுக்கும் தீர்வெனும் மருந்து தரும் மருத்துவன் இத்தலத்தின் இறைவனான ஆடல்வல்லான். ஒருமுறை, நாமும் இந்தத் தலத்துக்குச் சென்று, ஐயன் சுத்த ரத்தினேஸ்வரரையும், நடராஜப் பெருமானையும் தரிசித்து, உடற்பிணிகளோடு மனப் பிணிகளும் நீங்கிட வரம் பெற்று வருவோம். Padithidam :https://www.vikatan.com/spiritual/temples/68912-pray-to-oottathur-natarajar-to-solve-problems-regarding-kidney

சித்த மருத்துவம் - சித்த வைத்தியம் - siddha maruthuvam, siddha medicine

Posted by ss Monday, June 7, 2021 0 comments

*உயிர் காக்கும் சித்த மருந்துகள் 🔱🔥❤️😌🙏🏽* ----------------------------------------------------------------- *கட்டுரை எண் : 59* *அசாதாரண சூழல் நிலவும் இந்த காலகட்டத்தில் தமிழகத்தில் ஒவ்வொருவரின் இல்லத்தில் இருக்க வேண்டிய எளிய சித்த மருந்துகள் இதோ* *இம்மருந்துகளை எந்த எந்த பிரச்சனைகளுக்கு எப்படி பயன்படுத்த வேண்டும் என எனது ஆசான்களின் வழிகாட்டுதல் படி சொல்கிறேன்* *இந்த சித்த மருந்துகள் உங்கள் உயிர் காக்கும்* *தமிழகத்தின் அனைத்து நாட்டு மருந்து கடைகளில் கிடைக்கும்* *ஆடாதோடை மனப்பாகு 🔱* *சுவாசமிர்தம் 🔱* *திரிகடுகு சூரணம் 🔱* *ஏலாதி சூரணம் 🔱* *அதிமதுரம் பொடி 🔱* *பனங்கற்கண்டு 🔱* *மகாசுதர்ஷன மாத்திரை 🔱* *கபசுரக் குடிநீர் சூரணம் 🔱* *நிலவேம்பு குடிநீர் சூரணம் 🔱* *அஸ்வகந்தா சூரணம் 🔱* *தாளிச்சாதி சூரணம் 🔱* *பால சஞ்சீவி குளிகை 🔱* *மஹா சுதர்சன மாத்திரை 🔱* *பரமானந்தா பைரவம் மாத்திரை 🔱* *தேன் 🔱* *கடுக்காய் பொடி 🔱* *கிராம்பு 🔱* *நிலாவாரை சூரணம் 🔱* *புதினா உப்பு 🔱* *ஒமம் உப்பு 🔱* *கட்டி கற்பூரம் 🔱* *பச்சை கற்பூரம் 🔱* *சோடா உப்பு 🔱* *ஓமம் 🔱* *வசம்பு 🔱* *சுக்கு 🔱* *மிளகு 🔱* *திப்பிலி 🔱* *கோரைக்கிழங்கு 🔱* *இலவங்கப்பட்டை 🔱* *இலவங்க இலை 🔱* *நெல்லி வற்றல் 🔱* *ஏலரிசி 🔱* *சீரகம் 🔱* *பூண்டு 🔱* *பொட்டுக்கல்லை 🔱* *இஞ்சி 🔱* *எலுமிச்சை 🔱* *மஞ்சள் தூள் 🔱* *கல் உப்பு 🔱* *சித்தரத்தை 🔱* *கடுக்காய் தோல் 🔱* *நாட்டு சர்க்கரை 🔱* *தேங்காய் 🔱* *இதில் உள்ள சூரணங்கள், மாத்திரைகள், பொடிகள், மணப்பாகு* *குறைந்தபட்சம் எவ்வளவு கொடுப்பார்களோ அதை பெற்றுக்கொள்ளுங்கள்* *மற்றவைகள் எவ்வளவு பெறனும் என்று பயன்பாட்டில் கீழே குறிப்பிட்டு உள்ளேன்* *சளி 🔱* -------------- *ஆடாதோடை மணப்பாகு 10 ml* *1/2 டம்ளார் வெந்நீரில்* *3 வேளை சா.முன் எடுக்கவும்.* *அல்சர் மூலம் உள்ளவர்கள் சா.பின் எடுக்கலாம்* *குறிப்பு : சளி விரைந்து வெளியேறி குணமாக* *செரிமானமாக எளிய உணவு மட்டும் அரை வயிறு எடுங்கள்* *சிட்ரஸ் பழங்கள் அதிகம் எடுங்கள்* *சளி கரைந்து வெளியேறும்* *இருமல் 🔱* --------------------- *திரிகடுகு சூரணம்* *ஏலாதி சூரணம்* *அதிமதுரம் பொடி* *இவை மூன்றையும் தனித்தனியாக ஒரு மணி நேரத்திற்கு ஒரு முறை ஒரு மருந்து 1/2 டீ ஸ்பூன் அளவு தேன் கலந்து எடுத்து வந்தால் ஒரே நாளில் இருமல் சரியாகும்* *சுவாசக்கோளாறு 🔱* --------------------------------------- *சுவாசமிர்தம் 10 ml* *1/2 டம்ளார் வெந்நீரில்* *சா.மூன் 3 வேளை* *எடுத்தால் சுவாசம் சீராகும்* *அதிகம் பிரச்சனை இருந்தால் 2 மணி நேரத்திற்கு ஒரு முறை கூட எடுக்கலாம்* *உடலின் Oxygen அளவை அதிகரிக்க 🔱* -------------------------------------------------------------------- *ஒரு டம்ளார் தேங்காய் பாலில்* *1 டீ ஸ்பூன் கடுக்காய் பொடி கலந்து எடுங்கள்* *மற்றும்* *கிராம்பு பொடி 1/4 டீ ஸ்பூன்* *ஒரு டம்ளார் தேங்காய் பாலில் எடுங்கள்* *2 மணி நேரத்திற்கு ஒரு முறை கடுக்காய் பொடி மற்றும் கிராம்பு பொடி மாற்றி மாற்றி எடுத்து வந்தால் ஒரே நாளில் உடலின் ஆக்சிஜன் அளவு அதிகரிக்கும்* *தேங்காய் பால் ஜீரணமாகாதவர்கள்* *தேங்காய் பாலில் சிறிது தண்ணீர் மற்றும் இஞ்சி சாறு கலந்து மேல் கூறியது போல் பயன்படுத்துங்கள்* *வாந்தி மற்றும் பேதி 🔱* -------------------------------------------- *வசம்பை சுட்டு கரியாக்கி* *1/4 டீ ஸ்பூன் இந்த வசம்பு கரியில் தேன் கலந்து சப்பி சுவைத்து சாப்பிட்டால்* *வாந்தி பேதி நிற்கும்* *உடல் அதீத சோர்வு 🔱* ------------------------------------------ *ஒரு டம்ளர் வெந்நீரில்* *சிறிது தேன் மற்றும் 2 கல் உப்பு கலந்து குடித்தால் உடனடியாக சோர்வு நீங்கும்* *மற்றும்* *வெந்நீரில் எலுமிச்சை சாறு + கல் உப்பு கலந்து வாயில் சிறிது நேரம் வைத்திருந்து துப்பினால் உடல் சோர்வு நீங்கும்* *மயக்கம் 🔱* --------------------- *இரண்டு கை மற்றும் இரண்டு கால்களின் விரல் நுனிகளை 21 முறை அழுத்தி விட்டால் மயக்கம் தெளியும்* *மற்றும்* *வெந்நீரை காதை சுற்றி முழுவதும் துடைக்கலாம்* *உடல் கை கால் வலி அசதி சோர்வு பலவீனம் 🔱* ----------------------------------------------------------------- *அஸ்வகந்தா சூரணம்* *ஒரு ஸ்பூன் நாட்டு பசும்பாலில் கலந்து* *3 வேளை சா.பின்* *எடுத்தால் சரியாகும்* *நாட்டு பசும்பால் கிடைக்காவிட்டால்* *வெந்நீரில் கூட எடுக்கலாம்* *மலச்சிக்கல் 🔱* ----------------------------- *இரவு சா.பின் நிலாவாரை சூரணம் 1 டீ ஸ்பூன் ஒரு டம்ளர் வெந்நீரில் எடுத்து வந்தால் சரியாகும்* *தொடர்ந்து எடுக்கலாம்* *சரியான பின் விட்டுவிடலாம்* *பெரியவர்கள் 1 ஸ்பூன்* *சிறுவர்கள் 1/4 முதல் 1/2 டீ ஸ்பூன் அளவு எடுக்கலாம்* *மலம் மற்றும் சிறுநீர் நன்றாக வெளியேறினாலே சளி மற்றும் மூச்சுத்திணறல் சரியாகும்* *தீவிர மூச்சுத்திணறல் 🔱* ----------------------------------------------- *நான் குறிப்பிட்ட உப்புகளை வைத்து இந்த சுவாச தைலத்தை நீங்களே உங்கள் இல்லத்திலேயே செய்துகொள்ளலாம்* *இத்தைலம் மூச்சுத்திணறலை உடனே சரி செய்யும்* *ஆவி பிடிக்க பயன்படுத்தலாம்* *இயற்கை இன்ஹேலர் ஆக பயன்படுத்தலாம்* *உள்ளே மருந்தாக கூட எடுக்கலாம்* *உங்கள் முக கவசத்தில் சிறிது தடவலாம்* *தேவையான பொருட்கள்* *புதினா உப்பு : 50 கிராம்* *ஒமம் உப்பு : 10 கிராம்* *கட்டி கற்பூரம் : 10 கிராம்* *பச்சை கற்பூரம் : 5 கிராம்* *சோடா உப்பு : 5 கிராம் (சமையல் சோடா)* *செய்முறை* *இவை அனைத்தையும் சிறிது இடித்து கண்ணாடி பாட்டலில் கலக்கி வைத்தால் தைலமாக மாறும்* *இதை ஆவி பிடிக்கும் போது நீங்கள் பயன்படுத்தும் இலைகளுடன் (துளசி, கற்பூரவள்ளி, நொச்சி) 3 சொட்டு விட்டு ஆவி பிடிக்கலாம், உடனே சுவாசம் சீராகும், சுவாசப்பாதையில் உள்ள infections கிருமி வைரஸ்கள் அழிக்கப்படுகிறது* *நெஞ்சு சளி இருந்தால் ஒரு சொட்டு 1/2 டம்ளர் வெந்நீரில் கலந்து குடிக்கலாம் ஒரு வேளை மட்டும் சா.பின் ( ulcer, piles உள்ளவர்கள் மட்டும் எடுக்க வேண்டாம்)* *இயற்கை இன்ஹேலர் ☺️* *ஓமம் : 3 spoon* *பச்சை கற்பூரம் : 1 spoon* *இவை இரண்டையும் ஒரு துணியில் முடித்து வைக்கவும்* *இதில் 5 சொட்டு சுவாச தைலத்தை நனைத்து* *மூக்கின் வழியே முகர்ந்து வாய் வழியே விடவும் 10 முறை* *பிறகு வாய் வழியே இழுத்து மூக்கு வழியே விடவும் 10 முறை* *சுவாசம் சீராகும்* *மூச்சுத்திணறல் உடனே சரியாகும்* *சாதாரண காய்ச்சல் 🔱* ------------------------------------------- *மகாசுதர்சன மாத்திரை 3 மணி நேரத்திற்கு ஒரு முறை 2 மாத்திரை எடுத்து வரவும் (இரவு உறங்கும் போது தேவையில்லை)* *பீர்கன்காய் (முத்திய காய் வேண்டாம்) தோலுடன் நறுக்கியது + கல் உப்பு (தேவையான அளவு) தண்ணீர் விட்டு மிக்சியில் அரைத்து வடித்து எடுத்துக்கொண்டு ஒரு மணி நேரத்திற்கு ஒரு முறை ஒரு டம்ளர் எடுக்கவும்.* *நிலவேம்பு காலை சா.பின் எடுக்கவும்* *கபசுரக்குடிநீர் இரவு சா.பின் எடுக்கவும்* *[ பெரியவர்கள் 60 ml / சிறுவர்கள் 30 ml ]* *இந்நான்கும் காய்ச்சலை ஒரு நாள் முதல் 3 நாட்களுக்குள் நிச்சயம் சரி செய்யும்* *பசித்தால் அரிசி கஞ்சி / ரசம் சாதம் எடுக்கலாம்* *இதில் வெறும் பீர்கன்காய் சாறு மட்டுமே எடுத்து கூட பலருக்கு காய்ச்சல் சரியாகி உள்ளது* *வயதானவர்கள் சளி அதிகம் உள்ளவர்கள் சாறு பிடிக்கவில்லை எனில் நீங்கள் பீர்கன்காயை சூப்பாக எடுக்கலாம் (சீரகம் மிளகு பூண்டு சேர்த்து தண்ணீரில் கொதிக்க வைத்து கல் உப்பு கலந்து சூப்பாக எடுக்கலாம்)* *குறிப்பு : ஒரு வேளை, 3 நாள் பயன்படுத்தியும் காய்ச்சல் தொடர்ந்தால் அருகில் உள்ள சித்த மருத்துவரை உடனே சந்திக்கவும்* *கொரோனா Positive சரி செய்ய 🔱* --------------------------------------------------------------- *ஐமருந்து* *கேரள வைத்தியர் கசாயம்* *மற்றும்* *சாதாரண காய்ச்சலிற்கு சொன்னது* *ஐமருந்து* *1. அஸ்வகந்தா சூரணம் 🔱* *2. தாளிச்சாதி சூரணம் 🔱* *3. பால சஞ்சீவி குளிகை 🔱* *4. மஹா சுதர்சன மாத்திரை 🔱* *5. பரமானந்தா பைரவம் மாத்திரை 🔱* *இந்த ஐந்தையும் சம அளவு எடுத்து பொடி செய்து நன்றாக கலந்து பத்திரப்படுத்தி பயன்படுத்தவும்* *பெரியவர்களுக்கு 2 சிட்டிகை தேனுடன்* *சிறியவர்களுக்கு 1 சிட்டிகை தேனுடன்* *நன்றாக கலந்து நாக்கில் தேய்த்து சப்பி உமிழ்நீர்கலந்து சுவைத்து சாப்பிடவும்* *பாதிக்கப்பட்டவர்கள் 3 வேளை 3 நாட்கள் தொடர்ந்து எடுக்கலாம். மூச்சுத்திணறல் இருந்தால் 5 நாள் வரை எடுக்கலாம்* *உணவிற்கு பின் இந்த மருந்தை எடுக்கவும், மருந்து எடுத்த பின் ஒரு மணி நேரம் எதுவும் எடுக்க கூடாது.* *பத்தியம் - இனிப்புகள் கட்டாயம் தவிர்க்கவும்* *மற்றும்* *கேரள வைத்தியரின் கசாயம்* *இது கேரள வைத்தியரால் பகிரப்பட்டு பல வெளிநாட்டு அரசியல்வாதிகள் ஏழே நாட்களில் கொரோனா குணமாகி கேரள அரசே தன் மக்களுக்கு பரிந்துரை செய்த முறை இதோ 👇🏽* *தேவையான பொருட்கள் !* *சீரகம் - 1 டி ஸ்பூன்* *மிளகு - 10 எண்ணிக்கை* *பூண்டு - 5 பல்* *பொட்டுகல்லை - 3 ஸ்பூன்* *இஞ்சி - 1 இன்ச்* *எலுமிச்சை - 1/2 பழம் (தோலுடன் விதை நீங்கியது)* *லவங்க பட்டை - 1 இன்ச்* *மஞ்சள் தூள் - 1 சிட்டிகை* *கல் உப்பு - 1 ஸ்பூன்* *செய்முறை !* *இதில் உள்ள பொருட்களில் எதையுமே இடிக்கவோ பொடி செய்யவோ கூடாது. அனைத்து மூல பொருட்களையும் அப்படியே 5 டம்ளர் தண்ணீரில் போட்டு 3 டம்ளராக கொதிக்க வைத்து வடித்து இளம் சூடாக பெரியவர்கள் 1 டம்ளர் அளவும் சிறுவர்கள் 1/2 டம்ளர் அளவும் காலை மாலை என இரண்டு வேளை உணவிற்கு முன் பருகலாம். 3 வேளை பருகினாலும் நலமே.* *நமக்கு தெரியாமல் கொரோனா தொற்று இருந்தாலும் இந்த கசாயம் குணமாக்கிவிடும்.* *கொரோனா +ve ஐ 7 நாட்களில் நெகட்டிவ் ஆக்கிவிடும் இம்மருந்து* *குறிப்பு : சாதாரண காய்ச்சலிற்கு சொன்னதையும் சேர்த்து பின்பற்றவும். 3 நாட்களுக்கு மேல் காய்ச்சல் இருந்தால் அருகில் உள்ள சித்த மருத்துவரை உடனடியாக சந்திக்கவும்* *கொரோனா வராமல் தடுக்க 🔱* --------------------------------------------------------- *பலர் எங்கள் வீட்டில் ஒருவருக்கு கொரோனா, வீட்டருகே கொரோனா, எங்களுக்கு வராமல் நாங்கள் எப்படி பாதுகாப்பாக இருப்பது என கேட்டீர்கள்* *கொரோனா வராமல் காத்துக்கொள்ள* *சித்த மருத்துவர் வீரபாபு அவர்களின் மூலிகை தேனீர் எடுக்கலாம்* *சுக்கு - 100 கிராம்* *அதிமதுரம் - 100 கிராம்* *சித்தரத்தை - 30 கிராம்* *கடுக்காய் தோல் - 30 கிராம்* *மஞ்சள் - 10 கிராம்* *திப்பிலி - 5 கிராம்* *ஓமம் - 5 கிராம்* *கிராம்பு - 5 கிராம்* *மிளகு - 5 கிராம்* *கற்பூரவள்ளி இலை - 5 எண்ணிக்கை* *புதினா இலை - 10 எண்ணிக்கை* *நாட்டு சர்க்கரை - 1 தேக்கரண்டி* *செய்முறை !* *இதில் நாட்டு சர்க்கரையை, கற்பூரவள்ளி இலை புதினா இலை தவிர மீது உள்ள அனைத்து மூலப்பொருட்களையும் தனித்தனியாக இடித்து பொடி செய்து ஒன்றாக கலந்து வைத்துக்கொள்ளவும்.* *10 கிராம் பொடியை 400 மிலி நீரில் போட்டு 100 மிலி நீர் ஆகும் வரை கொதிக்க வைக்கவும். கொதிக்கும் போது அதில் கற்பூரவள்ளி இலை புதினா இலை போட்டு, இறக்குவதற்கு முன் நாட்டு சர்க்கரை கலந்து வடித்து இளம்சூடாக பெரியவர்கள் 100 மிலியும் சிறியவர்கள் 50 மிலி என இரண்டு வேளை காலை மாலை உணவிற்கு பின்பு அருந்தலாம்.* *நோய் எதிர்ப்பு சக்தி அதிகரிக்கும் பொடி 🔱* ------------------------------------------------------------------ *சுக்கு - 25 கிராம்* *மிளகு - 25 கிராம்* *திப்பிலி - 25 கிராம்* *கோரைக்கிழங்கு - 25 கிராம்* *இலவங்கப்பட்டை - 25 கிராம்* *இலவங்க இலை - 25 கிராம்* *நெல்லி வற்றல் - 25 கிராம்* *ஏலரிசி - 25 கிராம்* *பனங்கற்கண்டு - 350 கிராம்* *செய்முறை* *சுக்கு தோல் நீக்கவும், கோரைக்கிழங்கு அதன் வேர் குப்பைகளை சுத்தம் செய்து உரலில் ஒன்றிரண்டாக இடித்துக்கொள்ளவும்* *இந்த கலவையை ஒரு கிலோவிற்கு மேல் மிசினில் கொடுத்தால் அரைத்து கொடுப்பார்கள்* *இதை வீட்டில் மிக்சியில் அரைக்க முடியாது* *பயன்படுத்தும் முறை* *1/4 tea spoon பொடி* *200 ml தண்ணீரில் ஊற்றி* *100 ml ஆக கொதிக்க விடவும்* *பெரியவர்கள் ஒரு டம்ளர் அளவும்* *சிறுவர்கள் 1/2 டம்ளர் அளவும்* *தேனீர் போல் பருகலாம்* *தினம் 1 முதல் 3 வேளை வரை எப்போது வேண்டுமானாலும் எடுக்கலாம்* *நோய் எதிர்ப்பு சக்தி அதிகரிக்கும் உணவுகள் மற்றும் வாழ்க்கைமுறை 🔱* -------------------------------------------------------------------- *Calcium* *Vitamin D* *Vitamin C* *Iron* *சத்து உள்ள உணவுகளை எடுத்தால் நோய் எதிர்ப்பு சக்தி அதிகரிக்கும்* *தினம் ஒரு மணி நேரம் சூரிய ஒளியில் நின்றால் Vitamin D அதிகரித்து நோய் எதிர்ப்பு சக்தி அதிகரிக்கும்* *3 முதல் 6 மாதத்திற்கு ஒருமுறை பேதி மருந்து எடுத்தால்* *ஆறு அருவி நீரில் குளித்தால் நோய் எதிர்ப்பு சக்தி அதிகரிக்கும்* *மழையில் நனைந்தால் நோய் எதிர்ப்பு சக்தி அதிகரிக்கும்* *இரவு இருட்டு அறையில் 9 மணிக்கு உறங்கினால் நோய் எதிர்ப்பு சக்தி அதிகரிக்கும்* *பிரம்ம முகூர்த்த நேரத்தில் எழுந்து பச்சை தண்ணீரில் குளித்து வெட்டவெளியில் வெறும் காலில் மண் தரையில் நடந்தால் நோய் எதிர்ப்பு சக்தி அதிகரிக்கும்* *மாதம் ஒரு மலை ஏற்றம் போய் வந்தால் நோய் எதிர்ப்பு சக்தி அதிகரிக்கும்* *வழிபாட்டு தலங்களுக்கு சென்றால் நோய் எதிர்ப்பு சக்தி அதிகரிக்கும்* *உங்கள் மனதிற்கு பிடித்த விசயங்களை செய்தால் நோய் எதிர்ப்பு சக்தி அதிகரிக்கும்* *நேர்மறை எண்ணங்கள் உள்ளவர்களிடம் பேசினால் நோய் எதிர்ப்பு சக்தி அதிகரிக்கும்* *அந்தந்த பருவத்தில் விளையும் காய்கனி பழங்கள் கீரைகள் பாரம்பரிய அரிசிகள் சிறுதானியங்கள் பருப்பு பயிறு கிழங்கு வகைகள் என சமச்சீர் உணவு எடுத்தால் நோய் எதிர்ப்பு சக்தி அதிகரிக்கும்* *முக்கிய குறிப்பு* *அனைவரின் உடலும் ஒன்று கிடையாது* *அனைவரின் நோயின் தன்மை ஒன்று கிடையாது* *இங்கு நோய்க்கு வைத்தியம் இல்லை* *நோயாளிக்குத்தான் வைத்தியம்* *ஏற்கனவே பல்வேறு நோய்களுக்கு மருந்து எடுப்பவர்கள் உங்கள் வீட்டு அருகே உள்ள சித்த மருத்துவரின் பரிந்துரை பேரில் மட்டும் இக்கட்டுரையில் உள்ள மருந்துகளை பின்பற்றுமாறு அன்புடன் கேட்டுக்கொள்கின்றேன்* *மேலும்* *பெரும்பாலும் அனைத்து தரப்பு மக்களுக்கு பொருந்தும் வகையில் தான் இம்மருந்துகளை பரிந்துரை செய்துள்ளேன்* *குழந்தைகள் முதல் பெரியவர்கள் வரை அனைவரும் இம்மருந்துகளை எடுக்கலாம்* *குறிப்பிட்ட அளவில் பாதி அளவு சிறுவர்களுக்கு கொடுக்கலாம்* *இந்த சித்த மருந்துகளை நாம் பயன்படுத்தினால்* *எத்தனை அலை கொரோனா வந்தாலும் நாம் அதை வெல்லலாம்* *சித்த மருந்துகளை பயன்படுத்துவோம்* *உயிர்களை காப்போம்* *இது* *அனைத்தும்* *உயிர்* *காக்கும்* *சித்த* *மருந்துகள்* *தமிழகத்தில்* *அனைவரின்* *இல்லத்தில்* *நிச்சயம்* *இருக்க வேண்டும்* *உலகின் உயர் மருத்துவமான* *நம் தாய் மருத்துவம் பின்பற்றி* *உயிர்களை காப்போம்* *நன்றி* Padiththa Idam: https://www.facebook.com/siddavaithiyam/posts/2803139029949354

மருத்துவம் |

பிரபஞ்சத்தின் கால புருஷனின் முதல் பாவம்

Posted by ss Sunday, June 6, 2021 0 comments

ஜோதிட உலகத்தில் இருக்கும் கால புருஷனின் மிகவும் முக்கியமான பாவமாகிய "மேஷம்" என்ற பாவத்தைப் பற்றிய மிக முக்கியமான தகவல்கள். ★நமது ஜாதகத்தில் லக்னத்திலிருந்து மேஷம் என்ற பாவம் எத்தனையாவது பாவமாக வருகின்றதோ அந்த பாவம் சார்ந்த விஷயங்கள் என்றுமே நமக்கு பயன்படாது.அடுத்தவர்களுக்கு தான் அந்த பாவம் சார்ந்த விஷயங்கள் பயன்படும். ★ஒரு மனிதனால் மேஷம் என்ற பாவம் சார்ந்த விஷயங்களை எப்போதுமே அனுபவிக்க முடியாது. ★நமது ஜாதகத்தில் இருக்கும் 12 பாவங்களில் மேஷம் என்ற பாவம் சார்ந்த விஷயங்களை மட்டும் நம்மால் அனுபவிக்க முடியாது. அந்தப் பாவத்திலிருந்து நாம் எந்த எதிர்பார்ப்பையும் வைத்துக் கொள்ளக் கூடாது. ★மீறி அந்த பாவம் சார்ந்த உறவுகள் சார்ந்தும் அல்லது அந்தப் பாவம் சார்ந்த ஆதிபத்தியங்கள் சார்ந்தும் நாம் எதிர்பார்ப்பது வைத்துக் கொண்டால் நமக்கு பிரச்சனை தான் ஏற்படும். ★ஏன் மேஷம் பாவம் சார்ந்த விஷயங்கள் நமக்கு பயன்படாது என்றால் அது இந்த பிரபஞ்சத்தின் கால புருஷனின் முதல் பாவமாகும். அதுதான் கால புருஷனின் லக்னமாகும்.லக்னம் என்பது நம்மை குறிக்கும்.நம்மில் இருந்து அதாவது நமது லக்னத்தில் இருந்து மற்ற பதினோரு பாவங்களைத் தான் நம்மால் பயன்படுத்த முடியும். ★மற்ற பாவங்களை போல் லக்னத்திற்கு எந்த ஒரு ஆதிபத்தியங்களும் கிடையாது. அதாவது இரண்டாம் பாவம் என்பது வருமானம் வாக்கு ஸ்தானம் மூன்றாம் பாவம் என்பது இளைய சகோதரர்கள் நெருங்கின நண்பர்கள் நான்காம் பாவம் என்பது வீடு வண்டி வாகனம் சொத்து படிப்பு,இதேபோல் மற்ற பாவங்களுக்கு ஆதிபத்தியங்கள் இருக்கின்றது ஆனால் மேஷம் என்ற பாவத்திற்கு எந்த ஒரு ஆதிபத்யமும் கிடையாது அதனால் தான் நம்மால் மேஷம் என்ற பாவம் சார்ந்த விஷயங்களை அனுபவிக்க முடியாது அனுபவிக்க நினைத்தாலும் அது நமக்கு கிடைக்காது. ★இப்பொழுது ஒவ்வொரு லக்னத்தில் பிறந்தவர்களுக்கும் மேஷம் பாவத்தை பொருத்தி அவர்களின் வாழ்நாளில் எது அவர்களுக்கு பயன்படாது என்பதையும் எதனை அனுபவிக்க முடியாது என்பதையும் ஒவ்வொரு லக்னமாக பார்க்கலாம். ★1.(மேஷ லக்னம்) ★மேஷ லக்னத்தில் பிறந்தவர்களுக்கு இவர்களின் வாழ்நாளில் என்றைக்குமே இவர்களின் அறிவு ,ஆற்றல், வேகம் உத்வேகம்,உழைப்பு, சிந்தனை எதுவுமே இவர்களுக்கு பயன்படாது அடுத்தவர்களுக்கு தான் பயன்படும். ★எவ்வளவுதான் அறிவும் ஆற்றலும் இவர்களுக்கு இருந்தாலும் அது என்றைக்குமே இவர்களுக்கும் இவர்களின் சுயநலத்திற்காகவும் அது என்றைக்குமே பயன்படாது. ★அடுத்தவர்களின் வாழ்க்கையில் முன்னேறுவதற்கு இவர்களின் பங்களிப்பு அதிகமாக இருக்கும். ★மேஷ லக்னக்காரர்களால் நிறைய பேர் அவர்களின் வாழ்க்கையில் முன்னேறி இருப்பார்கள் ஆனால் இவர்களிடம் இருந்து உதவிகளை மற்றவர்கள் பெற்றுக் கொண்டு கடைசியில் இவர்களை கழட்டி விட்டு விடுவார்கள். ★2.(ரிஷப லக்னம்) ★ரிஷப லக்னத்தில் பிறந்தவர்களுக்கு என்றைக்குமே இவர்களால் சுகபோக வாழ்க்கை அயன, சயன,போகம் நிம்மதியான தூக்கம்,காமம் சார்ந்த விஷயங்கள் இது அனைத்தும் என்றைக்குமே இவர்களால் அனுபவிக்கவே முடியாது. ★இவர்களுக்கு என்றைக்குமே வெளிநாட்டு வாழ்க்கை ஒத்து வராது. வெளிநாடு சென்றார்கள் என்றால் எப்படி சென்றார்களோ அப்படித்தான் மறுபடியும் வருவார்களே தவிர முன்னேற்றம் என்பதே இவர்களுக்கு இருக்காது. ★ரிஷப லக்னக்காரர்கள் மேற்படிப்பு படிப்பதற்காகவும், வெளிநாட்டில் வேலை செய்வதற்காகவும் சென்றார்கள் என்றால் அந்த விஷயங்கள் இவர்களுக்கு பயன்படாமல் போய்விடும் படித்த மேற்படிப்பு அந்தப் பட்டம்(degree) இவர்களுக்கு பயன்படாது. ரிஷப லக்னக்காரர்கள் யாரும் வெளிநாடு செல்ல வேண்டாம். ★மருத்துவம் சார்ந்த விஷயங்கள் ரிஷப லக்னக்காரர்களுக்கு என்றைக்குமே பயன்படாது. இவர்கள் என்றைக்குமே மருத்துவமனையில் admit ஆகி சிகிச்சை பெறக் கூடாது. ஏனென்றால் அந்த சிகிச்சை இவர்களுக்கு பயன்படாமல் போய்விடும் பிறகு இவர்களுக்கு பிரச்சனைகள் தான் ஏற்படும். ★ரிஷப லக்னக்காரர்கள் என்றைக்குமே மருத்துவமனையில் அனுமதி பெற்று சிகிச்சை பெற வேண்டாம்.வெறும் மருத்துவரிடம் ஆலோசனை மட்டும் பெற்றுக் கொள்ள வேண்டும். ★3.(மிதுன லக்னம்) ★மிதுன லக்னத்தில் பிறந்தவர்களுக்கு என்றைக்குமே இவர்களின் மூத்த சகோதரர் மூலமாகவும் சித்தப்பா மூலமாகவும் எந்த பயனும் இருக்காது எந்த ஆதாயமும் இருக்காது எந்த உதவியும் இருக்காது. ★மூத்த சகோதரர் மற்றும் சித்தப்பா இவர்களுக்கு என்னதான் இவர்கள் உதவி செய்தாலும் இவர்களுக்கு ஒரு உதவி வேண்டும் போது அவர்களால் இவர்களுக்கு உதவ முடியாது. ★4.(கடக லக்னம்) ★கடக லக்னத்தில் பிறந்தவர்கள் என்றைக்குமே இவர்களால் தொழில் மூலம் வரும் வருமானத்தை இவர்களுக்காக இவர்களின் சுய நலத்திற்காக அந்தப் பணத்தை அனுபவிக்கவே முடியாது அடுத்தவர்களுக்கு தான் அந்த பணம் பயன்படும். ★தொழிலை இவர்கள் என்றைக்குமே இவர்களின் பெயரில் ஆரம்பிக்கக்கூடாது இவரின் பெயரில் தொழில் செய்தார்கள் என்றால் நஷ்டத்தில் தான் போய் முடியும். ★கடக லக்னக்காரர்கள் என்றைக்குமே அடுத்தவர்களின் தொழிலை பார்த்துக்கொள்ளும் வேலை தான் இவர்களுக்கு ஒத்து வரும். ★5.(சிம்ம லக்னம்) ★சிம்ம லக்னத்தில் பிறந்தவர்களுக்கு தந்தை, தந்தை வழி குடும்பம், தந்தை வழி சொத்து, தந்தைவழி உறவினர்கள் மூலமாக எந்தப் பயனும் இருக்காது எந்த ஆதாயமும் இருக்காது எந்த உதவியும் இருக்காது. ★தந்தை மூலம் கிடைக்கக்கூடிய உதவிகள் பயன்கள் இவர்களுக்கு இருக்கவே இருக்காது. ★சிம்ம லக்கினத்தில் பிறந்தவர்களுக்கு வெளிநாட்டு வாழ்க்கை ஒத்துவராது இவர்கள் வெளிநாடு சென்றார்கள் என்றால் எத்தனை வருடங்கள் வெளிநாட்டில் வேலை செய்தாலும் இவர்களுக்கு முன்னேற்றம் என்பதே இருக்காது. எந்த நிலையில் வெளிநாடு சென்றார்களோ அதே நிலையில் தான் இவர்கள் வீடு திரும்புவார்கள் முன்னேற்றமே இருக்காது ★6.(கன்னி லக்னம்) ★கன்னி லக்னத்தில் பிறந்தவர்களுக்கு PF pension, Life Insurance ,retirement Life Insurance, Health Insurance இவற்றின் மூலம் இவர்கள் சேமிக்கும் பணத்தை இவர்களால் அனுபவிக்கவே முடியாது. ★ அதாவது இவர்களுக்காக இவர்களின் சுய நலத்திற்காக அந்த பணத்தை இவர்களால் அனுபவிக்கவே முடியாது அடுத்தவர்களுக்கு தான் அந்த பணம் பயன்படும். ★கன்னி லக்னத்தில் பிறந்தவர்கள் PF pension, Life Insurance ,retirement Life Insurance, Health Insurance இது சார்ந்த விஷயங்களில் இவர்கள் என்றைக்குமே முதலீடு செய்யக்கூடாது செய்தார்கள் என்றால் இவர்களுக்கு அந்த பணம் பயன்படாது. ★7.(துலாம் லக்னம்) ★துலாம் லக்னத்தில் பிறந்தவர்களுக்கு மனைவி மற்றும் மனைவியின் குடும்ப உறவினர்கள் மூலமாக எந்தப் பயனும் இருக்காது எந்த ஆதாயமும் இருக்காது எந்த உதவியும் இருக்காது. ★இவர்கள் மனைவியிடமும் மனைவியின் குடும்ப உறவினர்களிடமும் எந்த எதிர்பார்ப்பும் வைத்துக்கொள்ள கூடாது மீறி வைத்துக் கொண்டார்கள் என்றால் இவர்கள் நினைப்பது அவர்களிடமிருந்து வராது. ★இதே பெண்ணாக இருந்தால் கணவன் குடும்பம் மூலமாக இது போன்று இருக்கும். ★துலாம் லக்னக்காரர்கள் என்றைக்குமே இவர்கள் வாழ்நாளில் கூட்டுத் தொழில்(partnership business) செய்யவே கூடாது மீறி செய்தார்கள் என்றால் நஷ்டத்தில் தான் போய் முடியும். ★8.(விருச்சிக லக்னம்) ★விருச்சிக லக்னத்தில் பிறந்தவர்கள் என்றைக்குமே இவர்களின் வாழ்நாளில் கடன் வாங்கவே கூடாது கடன் வாங்கினார்கள் என்றால் அந்த கடனை அடைப்பதற்கு இவர்கள் படாதபாடுபட்டு விடுவார்கள் அல்லது அந்த கடனை அடைக்கவே முடியாமல் போய்விடும். ★அதேபோன்று கடன் இவர்கள் யாருக்கும் கொடுக்கவும் கூடாது மீறி கொடுத்தார்கள் என்றால் அந்தக் கடன் இவர்களுக்கு திரும்ப வராது. விருச்சிக லக்னகாரர்கள் கடன் வாங்குவதும் கொடுப்பதும் தவிர்த்துக் கொள்ள வேண்டும். ★வம்பு வழக்கு அடிதடி சண்டை போன்ற விஷயங்களில் இவர்கள் என்றைக்குமே சமாதானமாகப் போய் விடவேண்டும் .ஏனென்றால் கோர்ட் கேஸ் இவற்றில் இவர்கள் செல்லும்போது என்றைக்குமே தீர்ப்பு இவர்களுக்கு சாதகமாக வரவே வராது. ★மேலும் விருச்சிக லக்னத்தில் பிறந்தவர்களுக்கு உத்தியோகம் ஒத்து(set) வராது.ஏனென்றால் உத்தியோகத்தில் மூலம் இவர்கள் சம்பாதிக்கும் வருமானம் என்றைக்குமே இவர்களுக்கு பயன்படாது அடுத்தவர்களுக்கு தான் பயன்படும். ★9.(தனுசு லக்னம்) ★ தனுசு லக்னகாரர்களுக்கு தங்களுடைய தாத்தா சொத்தை அனுபவிக்கும் கொடுப்பினை இவர்களுக்குக் கிடையாது மேலும் தன்னுடைய மூத்த குழந்தையிடம் இருந்து எந்த எதிர்பார்ப்பும் இவர்கள் வைத்துக்கொள்ள வேண்டாம். ★அதாவது பூர்வீக சொத்தை அனுபவிக்கும் கொடுப்பினை தனுசு லக்னத்தில் பிறந்தவர்களுக்கு கிடையாது மேலும் இவர்கள் தன்னுடைய மூத்த குழந்தையிடம் எந்த எதிர்பார்ப்பும் வைத்துக் கொள்ளாமல் இருக்கும் வரை இவர்களின் உறவு நன்றாக இருக்கும். ★share market, stock market ,trading இது சார்ந்த விஷயங்களில் தனுசு லக்ன காரர்கள் என்றைக்குமே முதலீடு செய்யவே கூடாது மீறி செய்தார்கள் என்றால் மிகப்பெரிய நஷ்டத்தை சந்திக்க நேரிடும். ★10.(மகர லக்னம்) ★ மகர லக்னத்தில் பிறந்தவர்களுக்கு எல்லாம் தங்களுடைய தாய் தாய்வழி உறவுகள் தாய் வழி குடும்பத்தினர் இவர்களின் மூலம் இவர்களுக்கு எந்த பயனும் கிடையாது எந்த உதவியும் இவர்களுக்கு கிடையாது. ★மகர ராசி மகர லக்னத்தில் பிறந்தவர்கள் எல்லாம் தாய் தாய்வழி உறவினர்களை சார்ந்து இவர்கள் இருக்க வேண்டாம்.இவர்களுக்கு ஒரு பிரச்சினை என்றால் தாய் தாய்வழி உறவுகள் மூலம் இவர்களுக்கு எந்த உதவியும் வராது. ★மேலும் இவர்களுக்கு வீடு, வண்டி வாகனம், சொத்து, property, தாய்வழி சொத்து இவற்றை அனுபவிக்கும் கொடுப்பினை மகர ராசி மகர லக்னகாரர்களுக்கு கிடையவே கிடையாது. ★மகர ராசி மகர லக்ன காரர்கள் என்றைக்குமே வீடு வண்டி வாகனம் சொத்து property இவை அனைத்தும் இவர்களின் பெயரில் என்றைக்குமே வாங்கவே கூடாது மீறி வாங்கினால் அந்த சொத்தை இவர்களால் அனுபவிக்க முடியாது. ★இவர்கள் பெயரில் சொத்து இருந்து அதனை விற்றாலும் அந்த பணத்தை இவர்களின் தேவைக்காக இவர்களின் சுய நலத்திற்காக அனுபவிக்க முடியாமல் போய்விடும். மேலும் தேவையில்லாத பிரச்சினைகளில் ஏற்பட்டுவிடும். ★வீடு,சொத்து இவர்கள் பெயரில் இருக்கக்கூடாது மேலும் இவர்கள் பெயரில் வாங்கவும் கூடாது. ★11.(கும்ப லக்னம்) ★கும்ப லக்னத்தில் பிறந்தவர்களுக்கு மாமனார் மூலமாக எந்த பயனும் இருக்காது எந்த உதவியும் இருக்காது எந்த ஆதாயமும் இருக்காது. ★மேலும் இவர்கள் இளைய சகோதரர்கள் நெருங்கிய நண்பர்கள் இவர்களிடமிருந்து எந்த ஒரு ஆதாயமும் எதிர்பார்க்கக்கூடாது ஏதாவது எதிர் பார்த்தார்கள் என்றால் அது இவர்களுக்கு வராது. ★12.(மீன லக்னம்) ★மீன லக்னத்தில் பிறந்தவர்கள் என்றைக்குமே இவர்கள் சம்பாதிக்கும் பணத்தை இவர்களுக்காக அனுபவிக்க முடியாது. .★அதாவது இவர்கள் சம்பாதிக்கும் பணத்தை தனக்காக என்றைக்குமே அனுபவிக்கவே முடியாது. ★இவர்களுக்கு என்று எதுவும் அனுபவித்திருக்க மாட்டார்கள். ★ஒன்று குடும்பத்திற்காகவோ உறவினர்களுக்காகவோ அல்லது நண்பர்களுக்கோ அந்தப் பணத்தை செலவு செய்து விடுவார்கள். ★இவர்கள் கையில் பணம் வந்தால் அந்த பணத்திற்கு வேட்டு வைக்க ஒரு விஷயம் காத்துக் கொண்டிருக்கும். ★வாழ்நாள் முழுவதும் இவர்கள் சம்பாதிக்கும் பணத்தை சேமித்து வைக்கவே முடியாது. ★(மேற்கொண்ட இந்த சூட்சுமத்தை ஜாதகத்தில் Check செய்து பாருங்கள் நான் சொல்வது உங்களுக்குப் புரியும்) ★மேஷம் என்ற பாவத்தில் கிரகங்கள் இருந்தால் என்ன ஆகும் என்பதை அடுத்த பதிவில் பார்க்கலாம். ★ஜோதிடம் சார்ந்த ஏதாவது கேள்விகள் மற்றும் சந்தேகங்கள் இருந்தால் மற்றும் ஜாதகம் பார்க்க ஜாதகம் எழுத என்னை தொடர்பு கொள்ளவும். ★Call me My mobile number and WhatsApp number is 8610232640. my name is s.selvakumar. (Vedic astrologer, Numerologer and DNA astrologer).

ஜோதிடம் |

ஸ்ரீ விஸ்வாத சுவாமி ஆலயம்.ருத்ராஷ்வரேர் திருக்கோவில்.

Posted by ss Thursday, June 14, 2018 0 comments

மறுபிறவி இல்லாதவர்கள் மட்டுமே இந்த திருக்கோவிலில் நுழைய முடியும்!!!

.மற்ற யார் நினைத்தாலும் இந்த ஆலயத்திற்கு செல்ல முடியாது..செல்ல முடியாத அளவுக்கு
அவ்வளவு தடைகள் வரும்.

வருடத்தின் 365நாட்களும் சூரிய ஒளி சிவன் மீது விழும் ஒரு அதிசய கோவில் இது.

மகாசித்தர் அகத்திய முனிவரே இந்த கோயிலுக்கு வர பலமுறை முயற்சித்தும் வர முடியவில்லை என்பது குறிப்பிடத்தக்கது.

மேலும் வருடத்திறக்கு ஒருமுறை நல்லபாம்பு இங்கு உள்ள சிவனுக்கு வில்வ பூஜை செய்து தனது தோலை சிவனுக்கு மாலையாக அணிவித்து செல்லும்..கலியுகத்தில் நடக்கும் ஒரு அதிசயங்களில் இதுவும் ஒன்று..

இத்தல இறைவன் சிவனை பிரதோஷம் அன்று தரிசிப்பது ஆயிரம் மடங்கு புண்ணியம் தரும்.

ஸ்ரீ விஸ்வாத சுவாமி ஆலயம்.ருத்ராஷ்வரேர் திருக்கோவில்.

இடம்:-தேப்பெருமாநல்லூர்.கும்பகோணம்.
தஞ்சாவூர் மாவட்டம்.

ஓம் நமச்சிவாயா.

நன்றி :https://www.facebook.com/photo.php?fbid=2034270643494097&set=a.1486511401603360.1073741828.100007335438934&type=3&theater

கோவில்கள் |

இரசமணி செய்யும்முறை

Posted by ss Sunday, May 27, 2018 1 comments

இரசமணி செய்யும்முறை
சுத்தி செய்த இரசம் – 150 கி,
துருசு – 150 கி,
நவச்சாரம் – 75 கி.
முதலில் துருசையும் நவச்சாரத்தையும் நன்றாக பொடி செய்து கொண்டு ஒரு இரும்பு சட்டியில் பாதியை கொட்டி நன்றாக பரப்பி விட்டு அதன் மேல் இரசத்தை ஊற்றி மீதி உள்ள துருசு நவச்சார பொடியை அதன் மேல் போட்டு மூடி விட வேண்டும். பிறகு அந்த இரும்பு சட்டி நிறைய சுத்தமான தண்ணிர் ஊற்றி வைத்து விட வேண்டும்.

மறுநாள் எடுத்து பார்க்கும் பொழுது இரசம் கட்டியதைப் போல் இருக்கும்.இந்த இரசத்தை நன்றாக கழுவி எடுத்து வைத்துக் கொள்ளவேண்டும். மறுநாள் மீண்டும் அதே போல் துருசையும் நவச்சாரத்தையும் நன்றாக பொடி செய்து கொண்டு ஒரு இரும்பு சட்டியில் பாதியை கொட்டி நன்றாக பரப்பி விட்டு அதன் மேல் இரசத்தை ஊற்றி மீதி உள்ள துருசு நவச்சார பொடியை அதன் மேல் போட்டு மூடி விட வேண்டும். பிறகு அந்த இரும்பு சட்டி நிறைய சுத்தமான தண்ணிர் ஊற்றி வைத்து விட வேண்டும்.
மறுநாள் எடுத்து பார்க்கும் பொழுது இரசம் கட்டியிருக்கும். அதை நன்கு கழுவி எடுத்து ஒரு துணியில் பிழிந்து எடுத்து தண்ணிரில் மூன்று நாள் போட்டு வைக்க இரசம் நன்றாக இறுகி இருக்கும் பிறகு புடம் இட்டு மணியாக மாற்றி அவர் அவர் விருப்பம் போல் சாரணைகள் கொடுத்து உபயோகித்துக் கொள்ளலாம்

இரசமணி |

பாவ சேர்க்கை பலன்கள்

Posted by ss Wednesday, December 20, 2017 0 comments

பாவ சேர்க்கை பலன்கள் –ஓர் விளக்கம்

தசா-புக்தி பலன் நிர்ணயத்தில், ஒரு புக்தியில் குறைந்த பட்சம் ஒரு பாவம்,அதிகபட்சம் மூன்று பாவங்கள் வரை ஒரே நேரத்தில் இயங்கும். அது எப்படி என பார்ப்போம்.
கிரகங்களை மூன்று வகைகளாக பிரிக்கலாம். அவை கீழே தரப்பட்டுள்ளன.
1. மண்டல கிரகங்கள் – சூரியன்,சந்திரன்
2. தாரா கிரகங்கள் – சனி,குரு,செவ்வாய்,சுக்கிரன்,புதன்
3. சாயா கிரகங்கள் – ராகு,கேது
மண்டல கிரகங்களான சூரிய,சந்திரர்களுக்கு ஒரு ஆட்சி வீடு மட்டுமே உண்டு. எனவே இவர்கள் ஒரு பாவத்திற்கு மட்டுமே ஆதிபத்தியம் வகிப்பார்கள். தாரா கிரகங்களான சனி,குரு,செவ்வாய்,சுக்கிரன்,புதன் ஆகியோர்களுக்கு இரண்டிரண்டு ஆட்சி வீடுகள் உண்டு. எனவே இவர்கள் இரண்டிரண்டு பாவங்களுக்கு ஆதிபத்தியம் வகிப்பார்கள். சாயா கிரகங்களான ராகு,கேதுக்களுக்கு ஆட்சி வீடுகள் கிடையாது. எனவே ராகு கேதுக்களுக்கு பாவாதிபத்தியம் கிடையாது. இதன்படி சூரிய,சந்திரர்கள் தான் நின்ற வீட்டிற்கும், தான் ஆதிபத்தியம் பெறும் வீட்டிற்குமாக சேர்த்து அதிகபட்சமாக இரண்டு பாவங்களை ஒரே சமயத்தில் இயக்குவார்கள். ஜாதகத்தில் அவர்கள் ஆட்சி வீட்டில் நின்றால் ஒரே பாவத்தை மட்டும் ஒரு சமயத்தில் இயக்குவார்கள். சனி,குரு,செவ்வாய்,சுக்கிரன்,புதன் ஆகியோர், தான் நின்ற வீட்டிற்கும், தான் ஆதிபத்தியம் பெறும் வீடுகளுக்குமாக சேர்த்து அதிகபட்சமாக மூன்று பாவங்களை ஒரே சமயத்தில் இயக்குவார்கள். ஜாதகத்தில் அவர்கள் ஆட்சி வீட்டில் நின்றால் இரண்டு பாவங்களை மட்டும் ஒரு சமயத்தில் இயக்குவார்கள். ராகு,கேதுக்கள் தான் நின்ற வீட்டை மட்டுமே இயக்குவார்கள். எனவே ஒரு குறிப்பிட்ட புக்தியில் குறைந்த பட்சமாக ஒரு பாவம்,அதிக பட்சமாக மூன்று பாவங்கள்வரை இயங்கும்.
ஒன்றுக்கு மேற்பட்ட பாவங்கள் ஒரே சமயத்தில் இயங்கும்போது, அந்த பாவங்களின் கூட்டு விளைவே ஜாதகருக்கு பலாபலன்களாக கிடைக்கும். இத்தகைய பாவங்களின் கூட்டு விளைவே பாவ சேர்க்கை பலன்கள் என கூறப்படுகிறது.
ஒரே சமயத்தில் இயங்கும் இரண்டு பாவங்கள் ஒன்றுகொன்று சஷ்டாஷ்டகமாக (6-8) அமைந்தால் அவ்விரண்டு பாவங்களும் கெடு பலங்களையே செய்யும் (இரண்டு பாவாதிபதிகளும் ஒரே கிரகமாகவோ, பரஸ்பரம் நட்பு கிரகங்களாகவோ அமைந்தால் கெடு பலன்கள் அதிகமாக இருக்காது). அதாவது ஆய்வுக்குரிய பாவத்திற்கு எட்டாவதாக அமையும் பாவம் ஆய்வுக்குரிய பாவத்தை அழிக்கும். ஆய்வுக்குரிய பாவத்திற்கு ஆறாவதாக அமையும் பாவம் ஆய்வுக்குரிய பாவத்திற்கு தடைகளையும்,சிக்கல்களையும் உண்டாக்கும்.
ஒரே சமயத்தில் இயங்கும் இரண்டு பாவங்கள் ஒன்றுகொன்று துவிதுவாதசமாக (2-12) அமைந்தால், ஆய்வுக்குரிய பாவத்திற்கு பன்னிரண்டாவதாக அமையும் பாவம், ஆய்வுக்குரிய பாவத்தை தடை செய்யும். ஆய்வுக்குரிய பாவத்திற்கு இரண்டாவதாக அமையும் பாவம் ஆய்வுக்குரிய பாவத்தை வளர்க்கும்.
ஒரே சமயத்தில் இயங்கும் இரண்டு பாவங்கள் ஒன்றுகொன்று சதுர்தசமமாக (4-10) அமைந்தால், அப்பாவாதிபதிளின் பரஸ்பர நட்பு, பகை உறவை பொறுத்து, நற்பலன்களோ,தீய பலன்களோ நடக்கும். இரண்டு பாவங்களுக்கும் ஒரு கிரகமே அதிபதியாக அமைந்தால் நற்பலன்களே நடக்கும்.
ஒரே சமயத்தில் இயங்கும் இரண்டு பாவங்கள் ஒன்றுகொன்று 1-7, 3-11, 5-9 ஆக அமைந்தால், அப்பாவங்களின் கூட்டு விளைவு, ஜாதகருக்கு நற்பலன்களாக கிடைக்கும்.
உதாரணமாக தனுசு லக்கினக்காரர் ஒருவருக்கு ராகு தசையில் புதன் புக்தி நடந்துகொண்டிருக்கிறது. புக்தி நாதன் புதன் குருவின் சாரத்தில் (புனர்பூசம் நட்சத்திரம்) அமர்ந்துள்ளார். அவருக்கு எந்தெந்த பாவங்கள் கூட்டாக இயங்கும் எனப்பார்ப்போம்.
புக்தி நாதன் நின்ற நட்சத்திர நாதனான குரு, லக்கினத்திற்கு 9ல் அமர்ந்துள்ளார். அவர் 1-4 ஆம் பாவங்களுக்கு ஆதிபத்தியம் பெறுகிறார். எனவே புதன் புக்தி காலத்தில் 1-4-9 ஆம் பாவங்கள் கூட்டாக இணைந்து செயல்படும். இப்பாவங்களின் கூட்டு விளைவே ஜாதகருக்கு பலாபலன்களாக புதன் புக்தி காலத்தில் கிடைக்கும். புதன் புக்தி காலத்தில் ஜாதகருக்கு என்னென்ன பலன்கள் நடக்கும் என பார்ப்போம்.

முதலில் குறிப்பிட்ட புக்தியில் செயல்படும் பாவங்களை, இரு பாவ சேர்க்கைகளாகப் பிரித்துக்கொள்ள வேண்டும். இதன்படி 1-4-9ஆம் பாவங்களை 1+4, 1+9, 4+9 எனப் பிரித்துக்கொள்ளவும். இவ்வாறு பிரித்து எழுதிக்கொண்ட பின் அவற்றிற்குரிய பாவ சேர்க்கை பலங்களை கணிக்க வேண்டும்.
ஒன்றாம் ,நான்காம் பாவங்களின் சேர்க்கை பலன்கள் (1+4)
ஒன்றாம் பாவம் ஜாதகரைக்குறிக்கும். நான்காம் பாவம் தாய்,மண்,மனை, வீடு,வாகனம் இவைகளைக்குறிக்கும். எனவே இவ்விரண்டு பாவங்களும் இணைந்து செயல்படும்போது, தாய்,சேய் உறவு சுமூகமாக இருக்கும் (இரு பாவ அதிபதிகளும் ஒரே கிரகமாகவோ,அல்லது பரஸ்பர நட்பு கிரகங்களாகவோ அமைந்தால் மட்டும்).
ஜாதகருக்கு வீடு,வாகன பிராப்தி உண்டு. தாய்க்கு ஜாதகரால் கௌரவம் கிடைக்கும் ( 4க்கு 10 ஆம் வீடு 1ஆம் வீடாகும். 10 ஆம் வீடு கௌரவத்தைக்குறிக்கும்). தாய் உத்யோகத்தில் இருந்தால் அவருக்கு பணிஉயர்வு கிடைக்கும். சொந்த தொழில் செய்பவராக இருந்தால் தொழில் விருத்தி உண்டு.
ஒன்றாம் ,ஒன்பதாம் பாவங்களின் சேர்க்கை பலன்கள் (1+9)
ஒன்றாம் பாவம் ஜாதகரைக்குறிக்கும். ஒன்பதாம் பாவம், தந்தை, ஆசிரியர், ஆலய வழிபாடு, குரு ஆசி, தீர்த்த யாத்திரை, நெடுந்தூர பயணம், உயர் கல்வி, ஆராய்ச்சிக்கல்வி இவைகளைக்குறிக்கும். ஒன்று, ஒன்பதாம் பாவங்கள் ஒன்றுக்கொன்று 5-9 ஆக அமையும் பாவங்களாகும். எனவே இவ்விரண்டு பாவங்களும் இணைந்து செயல்படும்போது தந்தை, மகன் உறவு சுமுகமாக இருக்கும். தந்தையும்,மகனும் பரஸ்பரம் உதவிக்கொள்வர். ஜாதகன் தன் இஷ்ட தெய்வத்தை வணங்குவதில் ஆர்வம் காட்டுவான். தந்தையார் தன் குல தெய்வத்தை வணங்குவதில் அக்கரை காட்டுவார்.பொதுவாக தந்தையும்,மகனும் ஆன்மீக விசயங்களில் அதிகம் நாட்டம் செலுத்துவார்கள். தந்தை, மகன் இருவருக்கும் எதிர்பாராத உதவிகள் கிடைக்கும்.
நான்காம் ,ஒன்பதாம் பாவங்களின் சேர்க்கை பலன்கள் (4+9)
நான்காம் பாவம் தாயைக்குறிக்கும். ஒன்பதாம் பாவம் தந்தையைக்குறிக்கும். எனவே தாய்,தந்தையரிடையேயான உறவு சுமூகமாக இருக்கும். நான்காம் பாவமும், ஒன்பதாம் பாவமும் ஒன்றுக்கொன்று 6-8 ஆக அமைவதால் தாய்க்கு உடல் நலம் பாதிக்கும்(4க்கு 6ஆம் பாவமாக அமைவது 9ஆம் பாவம்). தந்தைக்கு மரண பயம் உண்டாகும் (9க்கு 8ஆம் பாவமாக அமைவது 4ஆம் பாவம்). ஜாதகரின் பயணங்கள் தடைபடும்(9க்கு 8ஆம் பாவமாக அமைவது 4ஆம் பாவம்). ஜாதரின் வாகனம் பழுதடையும். ஜாதகரின் வீட்டில் பழுது ஏற்படும்(4க்கு 6ஆம் பாவமாக அமைவது 9ஆம் பாவம்).
மேற்கண்டவாறு பாவ சேர்க்கை பலன்களை கணித்து கூறவேண்டும்.

ஜோதிடம் |

சித்தமருத்துவ வாகடம்

Posted by ss Friday, December 8, 2017 0 comments

சித்தமருத்துவ வாகடம் (3.30 MB) (PDF வடிவம்) - தரவிறக்கிக் கணினியில் வாசியுங்கள் - உதவி
சித்தமருத்துவ வாகடம் (எழுத்துணரியாக்கம்)

சித்த வைத்திய சிகிச்சைக் கிரமம் என்னும் தமிழ் வைத்திய நூல்

சித்த ஆயுர்வேத மருத்துவ உத்தியோகத்தர்களுக்கான கை நூல்

சித்த ஆயுர்வேத மருத்துவ உத்தியோகத்தர்களுக்கான கை நூல் (2.22 MB) (PDF வடிவம்) - தரவிறக்கிக் கணினியில் வாசியுங்கள் - உதவி
சித்த ஆயுர்வேத மருத்துவ உத்தியோகத்தர்களுக்கான கை நூல் (எழுத்துணரியாக்கம்)

புத்தகங்கள் |

ஆங்கில தேதிக்கு கிழமை கண்டுபிடிக்கும் வழி

Posted by ss Thursday, November 23, 2017 0 comments

ஆங்கில தேதிக்கு கிழமை கண்டுபிடிக்கும் வழி
----------------------------------------------------------------------
ஆங்கில வருடங்களில் எந்த வருடமானாலும் ஏதாவது ஒரு குறிப்பிட்ட தேதிக்கு கிழமை கண்டுபிடிக்க ஒரு எளிய வழிமுறை இருக்கிறது . அதை இங்கு விளக்குகிறேன்.
1 வருடத்திற்கு 365 நாட்கள்
1லீப் வருடத்திற்கு 366 நாட்கள்
1 வாரத்திற்கு 7 நாட்கள்
கிழமைகள் 7 நாட்களுக்கு ஒரு முறை திரும்ப திரும்ப சுழற்சியாக வரும். ஆகவே ஒரு வருடத்தின் மொத்த நாட்களான 365 ஐ 7 ஆல் வகுக்க வேண்டும்.
365/7 = ஈவு 52 மீதி 1
ஈவை தள்ளிவிட்டு மீதத்தை மட்டும் எடுத்துக்கொள்வோம்.
(1)ஒரு வருடத்திற்கு மீதம் -1 நாள்
(2)100 வருடத்திற்கு மீதம் – 100 நாள்
(100*1=100)
(3) 100 வருடங்களில் 24 லீப் வருடங்கள் வரும். லீப் வருடங்களில் வரும் அதிக நாட்கள் -24 நாட்கள்
(1)+(2)+(3) = 1+100+24= 124 நாட்கள்
இந்த 124ஐ திரும்பவும் 7 ஆல் வகுக்க வேண்டும்.
124/7= ஈவு 17 மீதி 5
ஈவை தள்ளிவிட்டு மீதத்தை மட்டும் எடுத்துக்கொள்வோம்.
எனவே
(அ) 100 வருடங்களுக்கு மீதம் – 5 நாட்கள்
(ஆ) 400 வருடங்களிக்கு மீதம் (4*5=20) – 20 நாட்கள்
(இ) 400 வது வருடம் லீப் வருடமாகும் ஆகவே அதிக நாட்கள் – 1 நாள்
(100 வது, 200வது, 300வது வருடங்கள் லீப் வருடங்கள் இல்லை)
(ஆ)+(இ) = 20+1=21 நாட்கள்
இந்த 21 ஐ திரும்பவும் 7 ஆல் வகுக்க வேண்டும்.
21/7= ஈவு 3 மீதம் 0
ஞாபகத்தில் வைக்க வேண்டியது
100 வருடங்களுக்கு மீதம்- 5 நாட்கள்
400 வருடங்களுக்கு மீதம்- 0 நாட்கள்
எந்த வருடத்தில் எந்த தேதிக்கு கிழமை கண்டுபிடிக்க வேண்டுமோ அந்த வருடத்திற்கு முந்தைய வருடதிற்கான மீத நாட்களை கண்க்கிட்டுக்கொண்டால் தேவையான ஆண்டில் வரும் தேதிக்கு கிழமையை கண்டு பிடிக்கலாம்.
உதாரணமாக 28-07-1968 அன்று என்ன கிழமை என்று பார்ப்போம்.
முதலில் 1968 ஆம் ஆண்டுக்கு முந்தைய ஆண்டான 1967 க்கு மீத நாட்கள் எத்தனை என்று பார்ப்போம்.
1967 கீழ் கண்டவாறு பிரித்து எழுதிக்கொள்ள வேண்டும்
(க)1600 (4*400=1600) வருடங்களுக்கு மீதம் – 4*0 = 0 நாட்கள்
(கா) 300 (3*100 = 300) வருடங்களுக்கு மீதம் – 3*5 = 15 நாட்கள்
(கி) 67 வருடங்களுக்கு மீதம் – 67 நாட்கள்
(கீ) 1900 முதல் 1967 வரை 16 லீப் வருடங்கள் வருகின்றன ,எனவே இந்த 16 லீப் வருடங்களுக்கு அதிக நாட்கள் – 16 நாட்கள்
(க)+(கா)+(கி)+(கு) = 0+15+67+16 =98
98 ஐ 7 ஆல் வகுக்க வேண்டும்.
98/7= ஈவு 14 மீதி 0
ஈவை தள்ளிவிட்டு மீதத்தை மட்டும் எடுத்துக்கொள்ளவும்.
இப்பொழுது 28-07-1968 அன்று என்ன கிழமை என்று பார்ப்போம்.
(ச) 1967 ஆம் ஆண்டின் மீதம் – 0 நாட்கள்
(சா) 1968 ஆம் ஆண்டு ஜனவரி மாதம் – 31 நாட்கள்
(சி) 1968 ஆம் ஆண்டு பிப்பிரவரி மாதம் – 29 நாட்கள்
(1968 லீப் ஆண்டு)
(சீ) 1968 ஆம் ஆண்டு மார்ச் மாதம் – 31 நாட்கள்
(சு) 1968 ஆம் ஆண்டு ஏப்ரல் மாதம் – 30 நாட்கள்
(சூ) 1968 ஆம் ஆண்டு மே மாதம் – 31 நாட்கள்
(செ) 1968 ஆம் ஆண்டு ஜூன் மாதம் – 30 நாட்கள்
(சே) 1968 ஆம் ஆண்டு ஜூலை மாதம் 28 ஆம் தேதி வரை- 28 நாட்கள்
(ச)+(சா)+(சி)+(சீ)+(சு)+(சூ)+(செ)+(சே) = 0+31+29+31+30+31+30+28 = 210
இந்த 210 ஐ 7 ஆல் வகுக்க வேண்டும்
210/7 = ஈவு 30 மீதி 0
ஈவை தள்ளிவிட்டு மீதத்தை மட்டும் எடுத்துக்கொள்ளவும்.
மீதி 0 வந்தால் ஞாயிற்றுக்கிழமை
மீதி 1 வந்தால் திங்கள் கிழமை
மீதி 2 வந்தால் செவ்வாய்க்கிழமை
மீதி 3 வந்தால் புதன் கிழமை
மீதி 4 வந்தால் வியாழக்கிழமை
மீதி 5 வந்தால் வெள்ளிக்கிழமை
மீதி 6 வந்தால் சனிக்கிழமை
நாம் உதாரணமாக எடுத்துக்கொண்ட 28-07-1968 அன்று மீதி 0 வருவதால் அன்று ஞாயிற்றுக்கிழமையாகும். இவ்வாறு எந்த வருடத்தில் உள்ள தேதியானாலும் கிழமை கண்டு பிடித்துக்கொள்ளலாம்.

ஜோதிடம் |

உங்களின் அனைத்து விசேஷத்திற்கும் நீங்களே நல்ல நாள் பார்க்க எளிய வழி

Posted by ss Thursday, November 16, 2017 0 comments

உங்களின் அனைத்து விசேஷத்திற்கும் நீங்களே நல்ல நாள் பார்க்க எளிய வழி

ஒவ்வொரு காலகட்டத்திலும் அவரவர் குடும்பங்களில் புதுமனை புகுதல், காதுகுத்துதல், திருமணம் என்று ஏதாவது ஒரு சடங்குகள் நிகழ்ந்து கொண்டேதான் இருக்கும். அப்படிப்பட்ட சமயங்களில் அனைவரும் தினசரி காலண்டரையோ அல்லது பஞ்சாங்கத்தையோ பார்த்து தான் நாள் குறிப்போம். ஒரு சிலர் ஏதாவது ஒரு ஜோசியர் அல்லது கோயில் குருக்களிடம் கேட்டு நல்ல நாள் குறிப்பார்கள். மேல்நோக்கு நாள், அமிர்தயோக நாள், சுபமுகூர்த்த நாள் என பொதுவாகப் பார்த்து நாள் குறிக்காமல் அவரவர் ராசி, நட்சத்திரம், பிறந்த தேதி, கிழமை இவற்றை அடிப்டையாகக் கொண்டு நாமே நல்ல நாள் பார்க்கலாம்.

நாள் என்ன செய்யும்?
நாள் (வாரம்), திதி, நட்சத்திரம், யோகம், கர்ணம் என்ற ஐந்தும் சேர்ந்ததே பஞ்சாங்கம். இந்த ஐந்தும் அடங்கிய பஞ்சாங்கத்தில் முதல் அங்கமாக வருவது வாரம் அதாவது கிழமை அல்லது நாட்கள். பஞ்சாங்கத்தில் நம் முன்னோர்கள் என்றைக்கு எண்ணெய் தேய்த்து குளிக்க வேண்டும் என்பதற்குக் கூட நாள் குறித்து வைத்திருக்கிறார்கள். ஞாயிறு, திங்கள், புதன், வியாழன், வெள்ளி ஆகிய கிழமைகள் திருமணம், ஹோமம், சாந்திகள் போன்ற நற்காரியங்களுக்கு விசேஷமானவை. செவ்வாய் நெருப்பு கிரகம் என்பதால் செவ்வாய்க் கிழமை அக்னி சம்பந்தமான செயல்களுக்குரியது. சனிக்கிழமை இயந்திர சம்பந்தமான பணிகளுக்கு உரிய நாள்.
ஞாயிற்றுக்கிழமை: சூரியன் ஆரோக்கியத்தை அளிப்பவன். அதனால் நீண்டகால பிணிகளுக்கு மருத்துவர் ஆலோசனை பெற்று மருந்து உண்ண ஆரம்பிக்கலாம். வடக்கு திசை நோக்கி பயணம் செய்யலாம். அரசுப்பணித் தொடர்பான விஷயங்களுக்காக உரிய அலுவலர்களை நேரில் சந்திக்கலாம்.
திங்கட்கிழமை: தென்திசை நோக்கி பயணம் செய்யலாம். கிருகப் பிரவேசம் நடத்தலாம். காதுகுத்துதல், பெண் பார்த்தல், ருது சாந்தி செய்தல் (சாந்தி முகூர்த்தம்), சீமந்தம், விருந்து உண்ணல் போன்ற விசேஷங்களை செய்யலாம். ஆடுமாடு வாங்குதல், விதையிடுதல், உரமிடல், வியாபராம் துவங்குதல் ஆகியவையும் செய்யலாம்.
செவ்வாய்க்கிழமை: கிழக்கு திசை நோக்கி பயணம் செய்யலாம். வாங்கிய கடனை அடைத்தல், வயலுக்கு உரமிடல், செங்கல் சூளைக்கு நெருப்பிடுதல் ஆகியன செய்ய ஏற்ற நாள் இது. செவ்வாய்க்கிழமைகளில் பொருள் வாங்கினால் அது வருவாயைப் பெருக்கும். அதனால் வீட்டில் செல்வம் பெருகும்.
புதன் கிழமை: மேற்கு திசை நோக்கி பயணம் செய்யலாம். புதிய ஆராய்ச்சி, எழுத்துப் பணிகளைத் துவங்கலாம். வழக்குகள் சம்பந்தமாக வழக்கறிஞரை சந்தித்தல், புதுமனை புகுதுல், குளம், ஏரி, கிணறு வெட்டுதல், நிலத்தை உழுதல், விதையிடுதல், அறுவடை செய்தல், காது குத்துதல், சீமந்தம், விருந்து உண்ணல் போன்ற சுபகாரியங்கள் செய்யலாம். கல்வி, கலை போன்றவற்றைக் கற்க ஆரம்பித்தல் ஆகியவற்றுக்கு ஏற்ற நாள் இது.
வியாழக்கிழமை: மேற்குதிசையில் பயணிக்கலாம். புதிய பணியில் சேரலாம். வங்கிப் பணிகள் கவனித்தல், பெரிய மனிதர்களை சந்தித்தல், சீமந்தம், ருது சாந்தி, காது குத்துதல், கிருகப் பிரவேசம், விவசாயம் சம்பந்தப்பட்ட பணிகள் இவற்றைச் செய்ய ஏற்ற தினம்.
வெள்ளிக்கிழமை: வடதிசை நோக்கி பயணம் செய்யலாம். பெண் பார்க்கச் செல்லலாம். காது குத்துதல், சாந்தி முகூர்த்தம், புதிய வாகனங்கள் வாங்குதல், நிலத்தினை உழுதல், உரமிடல் இவற்றைச் செய்ய ஏற்ற நாள் இது.
சனிக்கிழமை: தென்திசை நோக்கி பயணம் செய்யலாம். பூமி தொடர்பான விஷயங்கள் அதாவது வீடு, நிலம், மனை வாங்குதல், விற்றல் போன்ற செயல்களுக்கும், இயந்திரங்கள் வாங்குதல் போன்ற இரும்பு சம்பந்தப்பட்ட விஷயங்களுக்கும் உகந்த நாள்.
திங்கள், புதன், வியாழன், வெள்ளி ஆகிய நாட்களை சுபநாட்கள் எனவும்; ஞாயிறு, செவ்வாய், சனி ஆகிய நாட்களை அசுப நாட்கள் எனவும் சிலர் கூறுவர். சுப நாட்களிலும் பிரதமை, அஷ்டமி, நவமி ஆகிய திதிகள் வரும் நாட்களை தவிர்ப்பது நல்லது. சில கிழமைகளில் வரும் நட்சத்திரங்களைப் பொறுத்தும் அன்று சுபகாரியங்கள் செய்வதை தவிர்க்க வேண்டும்.
ஞாயிறு-பரணி, கார்த்திகை, மிருகசீரிஷம், மகம், விசாகம், அனுஷம், கேட்டை, பூரட்டாதி
திங்கள்-சித்திரை, கார்த்திகை, மகம், விசாகம், அனுஷம், பூரம், பூரட்டாதி
செவ்வாய்-உத்திராடம், திருவாதிரை, கேட்டை, திருவோணம், அவிட்டம், சதயம்
புதன்-அவிட்டம், அசுபதி, பரணி, கார்த்திகை, மூலம், திருவோணம், அவிட்டம்
வியாழன்-கேட்டை, மிருகசீரிஷம், புனர்பூசம், பூசம், பூராடம், ரேவதி
வெள்ளி-பூராடம், ரோகிணி, மிருகசீரிஷம், பூசம், விசாகம், அஸ்தம், அனுஷம், அவிட்டம்
சனி-ரேவதி, புனர்பூசம், பூசம், உத்திரம், அஸ்தம், ரேவதி
ஆகிய நட்சத்திரங்கள் வரும் கிழமைகள் சுபகாரியம் செய்ய ஏற்றவை அல்ல.
திதிகள்: திதி என்ற வடமொழிச் சொல்லுக்கு தொலைவு என்று அர்த்தம். குறிப்பாக திதி என்பது வானவெளியில் சூரியனுக்கும் சந்திரனுக்கும் இடையே ஏற்பட்ட தூரத்தின் பெயராகும்.
1. பிரதமை, 2. துவிதியை, 3. திருதியை, 4. சதுர்த்தி, 5. பஞ்சமி, 6. சஷ்டி, 7. சப்தமி, 8. அஷ்டமி, 9. நவமி, 10. தசமி, 11. ஏகாதசி, 12. துவாதசி, 13. திரயோதசி, 14. சதுர்த்தசி, 15. பவுர்ணமி (அ) அமாவாசை என்று மொத்தம் 15 திதிகள் உள்ளன. அமாவாசை, பவுர்ணமி ஆகிய இரண்டு திதிகள் தவிர மற்ற பதினான்கு திதிகளினால் சில சுப அசுபப் பலன்கள் ஏற்படக்கூடும். அதேபோல் சில கிழமைகளில் சில திதிகள் வந்தால் சுபப் பலன்களும், அசுபப் பலன்களும் ஏற்படும்.
நற்பலன் தரும் திதிகள்: ஞாயிறு-அஷ்டமி, திங்கள்-நவமி, செவ்வாய்-சஷ்டி, புதன்-திரிதியை; வியாழன்-ஏகாதசி, வெள்ளி-திரயோதசி, சனி-சதுர்த்தசி திதி. இத்தகைய நாட்களில் வரும் திதிகளில் எந்த ஒரு நல்ல காரியம் செய்தாலும் அது வெற்றியே கிட்டும்.
சுபகாரியங்களுக்குக் கூடாத திதிகள்: ஞாயிறு-சதுர்த்தசி, திங்கள்-சஷ்டி, செவ்வாய்-சப்தமி, புதன்-துவிதியை, வியாழன்-அஷ்டமி, வெள்ளி-நவமி, சனி-சப்தமி மேற்கூறியபடி குறிப்பிட்ட நாட்களில் குறிப்பிட்ட திதிகள் வரும்போது அந்த நாட்களில் நற்காரியங்கள் செய்வதை தவிர்ப்பது அவசியம். ஏனெனில் அன்று செய்யப்படும் நற்காரியங்கள் பலன் அளிக்காது. வளர்பிறை, தேய்பிறை ஆகிய காலங்களில் சில திதிகளுக்கு இரண்டு கண்கள் உண்டு. இத்திதிகளில் நற்காரியங்கள் செய்தால் நலந்தரும்.
வளர்பிறை காலம் : அஷ்டமி, நவமி, தசமி, ஏகாதசி, துவாதசி, திரயோதசி திதிகள்.
தேய்பிறை காலம் : துவிதியை, திரிதியை, சதுர்த்தி, பஞ்சமி, சஷ்டி, சப்தமி திதிகள்.
ஒரு கண்ணுள்ள திதிகள்: வளர்பிறை, தேய்பிறை காலங்களில் சில திதிகளுக்கு ஒரு கண்மட்டுமே உண்டு. அதாவது இந்த சமயத்தில் செய்யப்படும் செயல்கள் பூரண பலன் தராது. எனவே இத்திதிகளில் சுபகாரியங்களைத் தவிர்ப்பது நல்லது. அந்தத் திதி காலங்களைத் தெரிந்து கொள்ளுங்கள்.
வளர்பிறை        தேய்பிறை
பஞ்சமி                பிரதமை
சஷ்டி                    அஷ்டமி
சப்தமி                   நவமி
சதுர்த்தசி             தசமி
பவுர்ணமி              .....

பொதுவாக பலரும் தவிர்க்கும் திதிகள்: -

வளர்பிறை, தேய்பிறை ஆகிய இரண்டு காலங்களிலுமே அஷ்டமி, நவமி திதிகளையுமே தவிர்ப்பர். அமாவாசை, பவுர்ணமிக்கு முந்தைய நாளாக வரும் சதுர்த்தசியும், அடுத்த நாளாக வரும் பிரதமையும் ஆகாத திதிகளாகும். இவ்விரண்டு திதிகள் வரும் நாட்களில் எந்த ஒரு நல்ல காரியத்தைத் துவங்கினாலும் பொருள் நஷ்டம், எதிர்ப்பு, விரோதம், நோய் போன்ற பாதிப்புகள் வரக்கூடும்.

நட்சத்திர பலன்கள்:

பொதுவாக ஒரு குழந்தை பிறந்ததுமே பலரும் பார்ப்பது அன்று என்ன நட்சத்திரம் என்பதைத் தான். காரணம், ஜோதிட ரீதியான 27 நட்சத்திரங்களுள் ஏதாவது ஒன்றுதான் எல்லோருடைய வாழ்க்கையிலுமே ஆதிக்கம் செலுத்தும். அது அவரவர் பிறந்ததினத்தில் அமையும் நட்சத்திரமே. தனிப்பட்ட நபருக்கு உரியது என்றில்லாமல் பொதுவாக எல்லோருக்கும் நன்மை அளிப்பன என்றும் ஆகாதவை எனவும் சில நட்சத்திரங்கள் கூறப்பட்டுள்ளன. திருவாதிரை, பரணி, கார்த்திகை, ஆயில்யம், பூரம், பூராடம், பூரட்டாதி, கேட்டை, விசாகம், சுவாதி, சித்திரை, மகம் ஆகிய பன்னிரண்டு நட்சத்திரங்கள் வரும் நாட்களில் கடன் கொடுப்பதைத் தவிர்ப்பது நல்லது. அதேநாட்களில் வெளியூர்ப் பிரயாணம் மேற்கொள்வது கூடாது. கடுமையான நோய்வாய்ப்பட்டவர் அன்று சிகிச்சையை ஆரம்பிக்கக் கூடாது.
யோகங்கள்: பொதுவாக பலருக்கும் தெரிந்தது அமிர்தயோகம், சித்தயோகம், மரணயோகம் எனும் மூன்று யோகங்கள். இந்த யோகங்கள் நட்சத்திரங்களின் அடிப்படையில் கணிக்கப்படுபவை. பரணி, புனர்பூசம், பூரம், சுவாதி, பூராடம், உத்திரட்டாதி எல்லா கிழமைகளிலும் நற்பலன்களைத் தரக்கூடியவையாகும். அசுவினி-புதன், மிருகசீரிஷம்-வியாழன், பூசம்-வெள்ளி, சித்திரை-சனி, அனுஷம்-ஞாயிறு, மூலம்-புதன், உத்திராடம்-திங்கள், திருவோணம்-வெள்ளி இந்த நட்சத்திரங்கள் இந்தக் கிழமைகளில் வருவதைத் தவிர, இதர கிழமைகளில் எல்லாம் நற்பலன்களை கொடுக்கக்கூடியவையாகும்.

ராகுகாலம்:

சர்ப்ப கிரகங்கள், சாயா கிரகங்கள் என்றெல்லாம் அழைக்கப்படுபவை ராகு, கேது கிரகங்கள். ஒவ்வொரு நாளிலும் சுமார் ஒன்றரை மணி நேரம் ராகுவுக்கு உரியதாக சொல்லப்பட்டுள்ளது. ராகு காலத்தில் புதிய முயற்சிகளில் ஈடுபடுவதைத் தவிர்ப்பது நலம். கூடிய வரையில் இயன்றவரை அந்த சமயத்தில் புதிய முயற்சிகள் எதிலும் ஈடுபடாமல் இருப்பது நல்லது.

ராகுகாலம் என்று எப்போது?
ஞாயிறு 4.30 மணி முதல் 6 மணி வரை
திங்கள் 7.30 மணி முதல் 9 மணி வரை
செவ்வாய் 3 மணி முதல் 4.30 மணி வரை
புதன் 12 மணி முதல் 1.30 மணி வரை.
வியாழன் 1.30 மணி முதல் 3 மணி வரை
வெள்ளி 10.30 மணி முதல் 12 மணி வரை
சனி 9 மணி முதல் 10.30 மணி வரை.

எமகண்டம்
எமகண்டம் என்பது மரணத்திற்கு சமமான விளைவினை ஏற்படுத்தக்கூடியது எனக்கருதப்படுகிறது. எமகண்ட நேரத்தில் ஒரு செயலை மேற்கொள்வது ஆபத்து. விபத்து, பிரச்னைகள் ஆகியவற்றை உருவாக்கும். இரவில் வரும் எமகண்ட காலத்தில் துவக்கும் காரியங்கள்கூட எதிர்மறை விளைவையே தரும். பகலில் வரும் எமகண்ட நேரம் பலருக்கும் தெரிந்திருக்கும். இங்கே ஒவ்வொரு நாளிலும் இரு வேளைகளிலும் வரும் எமகண்ட நேரத்தின் பட்டியல் இதோ...
கிழமை பகல் நேரம் இரவு நேரம்
ஞாயிறு 12.00-1.30 6.00-7.30
திங்கள் 10.30-12.00 3.00-4.30
செவ்வாய் 9.00-10.30 1.30-3.00
புதன் 7.30-9.00 12.00-1.30
வியாழன் 6.00-7.30 10.30-12.00
வெள்ளி 3.00-4.30 9.00-10.30
சனி 1.30-3.00 7.30-9.00

குளிகன் அல்லது குளிகை காலம்: குளிகன், சனிபகவானின் மகன் எனச் சொல்கிறது ஜோதிட சாஸ்திரம். அந்தக் குளிகனுக்கென ஒவ்வொரு நாளிலும் ஒதுக்கப்பட்டுள்ள நேரமே குளிகை காலம். தினசரி பகலில் ஒன்றரை மணி நேரமும், இரவில் ஒன்றரை மணி நேரமும் நடைபெறும். குளிகை காலத்தில் நற்காரியங்களை மட்டுமே செய்யலாம். ஏனெனில் இந்த நேரத்தில் செய்யப்படும் செயல் தடை இல்லாமல் தொடர்ந்து நடைபெறும் என்பது நியதி. எனவே அசுப காரியங்களைத் தவிர்ப்பது அவசியம்.

கரிநாள்: ஒவ்வொரு வருடமும் வரும் 365 நாட்களில் 34 நாட்கள் கரி நாளாக அமையும். இந்த நாட்களில் சுபகாரியங்களைத் தவிர்ப்பது நல்லது.
மாதம்                          தேதிகள்
சித்திரை                        6, 15
வைகாசி                       7, 16, 17
ஆனி                               1, 6
ஆடி                                 2, 10, 20
ஆவணி                        2, 9, 28
புரட்டாசி                      16, 29
ஐப்பசி                            6, 20
கார்த்திகை                    1, 10, 17
மார்கழி                           6, 9, 11
தை                                   1, 2, 3, 11, 17
மாசி                                 15, 16, 17
பங்குனி                           6, 5, 19
வாரசூலை: வாரசூலைக்கு சூலதோஷம் என்றும் பெயர். வாரசூலையை நிருவாணி சூலம் என்றும் களரி காலன் என்றும் அழைப்பதுண்டு. பகலில் வாரசூலை நேர் திசைகளிலும் இரவில் மூலை திசைகளிலும் இடம்பெற்று இருக்கும் என்பது ஜோதிட நியதி. வாரசூலை உள்ள திசையை நோக்கிப் பயணம் செய்வது கூடாது. அவசியம் பயணம் செய்ய வேண்டுமென்றால் பரிகாரம் மேற்கொண்டு பிரயாணம் செய்யலாம். வார சூலைக்கான பரிகாரம் செய்வது குறிப்பிட்ட பரிகாரப் பொருளை சிறிதளவு உண்டுவிட்டுப் பயணத்தைத் தொடங்குவது தான். சிலர் அப்பொருளை தானம் செய்வது வழக்கம்.
தின ஓரையில் பயன்கள்:  ஒவ்வொரு மாதமும் தினமும் அந்தந்த ஊர்களில் சூரியன் உதிக்கும் நேரம் முதல் ஒவ்வொரு மணி நேரம் வரையில் ஒவ்வொரு கிரகத்தினுடைய ஆதிபத்திய காலம் நடைபெறும். அதைத்தான் அந்த கிரகத்தின் ஆதிபத்தியம் உள்ள ஓரை என்று சொல்வர். எந்தக் கிழமையில் சூரிய உதயம் ஆகிறதோ, அந்தக் கிழமைக்கு உரிய கிரகமே சூரிய உதய முதல் ஒரு மணி நேரத்துக்கான ஓரைக்கு ஆதிபத்தியம் வகிக்கிறது. உதாரணமாக திங்கட்கிழமை காலை 6 மணிக்கு சூரிய உதயமானால், அன்று காலை 6 மணி முதல் 7 மணி வரையில் சந்திரனே ஆதிபத்தியம் செய்வதால், அது சந்திர ஓரையாகிறது. அடுத்தடுத்த ஒரு மணி நேரம் உரிய வரிசைப்படியான கிரகத்திற்கு உரியதாகிறது. அடுத்த நாள் செவ்வாய்க்கிழமை சூரிய உதயத்தின் போது செவ்வாய் ஓரை ஆரம்பாகிறது. இப்படியாக கிரக ஓரைகள் ஒரு வட்டம் போல ஒன்றையடுத்து மற்றொன்று என்று தொடர்ந்து நடைபெற்றுக் கொண்டே இருக்கின்றன. ராகுவும் கேதுவும் நிழல் கிரகங்கள் என்பதால் அவற்றுக்கு ஓரைகள் இல்லை. மாறாக ராகு காலம் என தனிக் காலம் உண்டு.
சூரிய ஓரை: விண்ணப்பம் செய்ய, அதிகாரிகளை சந்தித்தல், மருந்துண்ணல், சொத்துப் பிரிவினை செய்தல், வேலைக்கு முயற்சித்தல், அரசு அனுமதி பெறுதல், பதவி ஏற்றிடல் ஆகியன செய்யலாம்.
சந்திர ஓரை: திருமணத்துக்கு நாள் குறித்தல், பெண் பார்த்தல், ஆடை ஆபரணம் அணிதல், கல்வி கலை கற்றிட ஆரம்பித்தல், தொலைதூரப் பயணம் தொடங்குதல், கால்நடைகள் வாங்குதல் நலம் தரும்.
செவ்வாய் ஓரை: போர்க்கருவிகள் செய்தல், வாகனங்கள் பழுது பார்த்தல், போர் தொடுத்தால், வீடு மனை நிலம் வாங்குதல், விற்றல், மருந்துண்ணல், ஏரிக்கரை அல்லது அணை கட்டுதல் செய்யலாம். சுப காரியங்களைத் தவிர்ப்பது நல்லது.
புதன் ஓரை: ஜோதிட ஆராய்ச்சியில் ஈடுபடுதல், தேர்வு எழுதுதல், போட்டி பந்தயங்களில் பங்கேற்றல், கடிதத் தொடர்பு கொள்ளுதல், புதிய பொருள்களை வாங்குதல், புதிய கணக்கு ஆரம்பித்தல் செய்யலாம்.
குரு ஓரை: புதிய ஆடை ஆபரணம் வாங்குதல், அணிதல், சேமிக்கத் தொடங்குதல், வர்த்தகக் கொள்முதல் செய்தல், விதை விதைத்தல், நாற்று நடுதல், குரு உபதேசம் செய்தல், பெரியோர்களை சந்தித்து ஆசி பெறல் ஆகியவற்றுக்கு ஏற்ற காலம்.
சுக்கிர ஓரை: கலைகளைக் கற்கத் தொடங்குதல், திருமணத்திற்கான ஏற்பாடுகளை செய்ய ஆரம்பித்தல், காதல் புரிதல், மருந்துண்ணல், பொருள் சேர்த்தல், கடன் வசூல் செய்தல், புதிய ஆடை ஆபரணம் அணிதல் செய்யலாம்.
சனி ஓரை: உழுதல், எருவிடுதல், இரும்பு, மின்சாதனங்களை வாங்குதல், தோப்பு துரவு (கிணறு) அமைத்தல், பயணம் செய்தல் போன்றவை செய்யலாம்.
சந்திராஷ்டமம்: நம் ஜோதிட சாஸ்திரப்படி ஒவ்வொருவருடைய ஜனன கால ஜாதகமும் சந்திரனை அடிப்படையாக வைத்தே கணக்கிடப்படுகிறது. அதாவது ஒருவர் பிறந்த போது சந்திரன் எந்த ராசியில் இருக்கிறதோ, அதுவே அவரது ஜனன ராசி என்றும், சந்திர லக்கினம் என்றும் கூறப்படுகிறது. கோள்களின் இயக்கத்தின் படி அதாவது கோசாரத்தின்படி சந்திரன் ஒருவரது ஜனன ராசிக்கு எட்டாம் வீடான அஷ்டம ஸ்தானத்தில் இருக்கும் காலமே அவரது சந்திராஷ்டம காலம் ஆகும். சந்திரன் ஒருவரின் எட்டாவது ராசிக்கு உரிய இரண்டேகால் நட்சத்திரங்களில் சஞ்சரிக்கும் அந்த சந்திராஷ்டம நாட்களில் அந்த நபர் இயன்றவரை புதிய முயற்சிகளைத் தவிர்க்க வேண்டும். அவருக்கான சுபகாரியங்களை அதாவது திருமணம், பெண் பார்த்தல், பணியில் சேருதல் போன்ற மங்கள நிகழ்ச்சிகளை தவிர்ப்பது நல்லது. திட்டமிடாத திடீர் பயணங்களையும் வெளிநாடு, வெளியூர் பிரயாணங்களையும் தவிர்ப்பது அவசியம்.
(உதாரணமாக.. மேஷ ராசியினருக்கு எட்டாம் இடமான விருச்சிக ராசிக்கு உரிய விசாகம் 4ம் பாதம், அனுஷம், கேட்டை நட்சத்திரங்களில் சந்திரன் வரும் தினங்கள் சந்திராஷ்டம நாட்களாகும்.)
2 அமாவாசை 2 பவுர்ணமி: அமாவாசை ஒரு நல்லநாள் என்றாலும், திருமணம் போன்ற சுபகாரியங்களுக்கு உகந்ததல்ல. அமாவாசையை விலக்குவதைப் போலவே ஒரே மாதத்தில் இரு அமாவாசை வந்தால் அதனை மல மாதம் என்பார்கள். இப்படிப்பட்ட அமைப்பு அநேகமாக 18 வருடங்களுக்கு ஒரு முறையே வரும். மல மாதத்தினை மட்டுமல்லாமல், மல மாதமுள்ள தமிழ் ஆண்டும் திருமணம் போன்ற நற்காரியங்களுக்கு ஏற்றதல்ல என்பது பொதுவிதி. ஒரே மாதத்தில் இரு பவுர்ணமிகள் வந்தால் அதுவும் மலமாதமே. ஆனால் பவுர்ணமி திதியில் சுபகாரியங்கள் மட்டுமே செய்யப்படுவதால் அந்த மாதத்தினை விலக்குவது இல்லை.
கல்யாணத்திற்கு நாள் பார்ப்பது எப்படி?
1. முதல் விதி, திருமணம் மல மாதத்தில் இடம்பெறக்கூடாது. (மலமாதம் என்பது இரண்டு அமாவாசை அல்லது இரண்டு பவுர்ணமி ஒரே மாதத்தில் வருவது.)
2. அடுத்ததாக சித்திரை, வைகாசி, ஆனி, ஆவணி, தை, பங்குனி தவிர இதர மாதங்களில் திருமணம் செய்வதைத் தவிர்ப்பது நல்லது.
3. இயன்றவரை சுக்கில பட்ச காலத்திலேயே திருமணம் செய்வது நல்லது என்பது மூன்றாவது விதி.
4. புதன், வியாழன், வெள்ளி போன்ற சுப ஆதிபத்தியமுடைய கிழமைகள் மிகமிக ஏற்றவை. இதர கிழமைகள் அவ்வளவு உகந்தவை அல்ல. இது 4வது விதி.
5. அடுத்த வித... ரிஷபம், மிதுனம், கடகம், சிம்மம், கன்னி, துலாம், தனுசு, மீனம் ஆகிய சுப லக்கினங்களில் மட்டுமே திருமணம் நடத்த வேண்டும் என்பது தான்.
6. துவிதியை, திரிதியை, பஞ்சமி, ஸப்தமி, தசமி, திரயோதசி ஆகிய சுப திதிகள் தவிர இதர திதிகளை தவிர்ப்பது ஆறாவது விதி.
7. அடுத்ததாக முகூர்த்த லக்கினத்துக்கு 7ம் இடம் முகூர்த்த நாளன்று சுத்தமாக இருக்க வேண்டும்.
8. அக்கினி நட்சத்திரம், மிருத்யூ பஞ்சகம், கசரயோகங்கள் போன்ற காலகட்டத்தில் திருமணம் நடத்தக்கூடாது. இது 9வது விதி.
9. திருமணத்தின்போது குரு, சுக்கிரன் போன்ற சுப கிரகங்கள் திருமண லக்கினத்துக்கும் மணமக்களின் ஜனன ராசிக்கும் எட்டாம் வீட்டில் இடம் பெற்றிருக்கக்கூடாது என்பது 10ம் விதி.
10. திருமணநாள் மணமக்களின் சந்திராஷ்டம தினமாக இல்லாமல் இருப்பது மிகமிக முக்கியமான விதி.
11. மணமக்களின் ஜனன நட்சத்திர நாளிலும் 3, 5, 7, 12, 14, 16, 21, 23, 2வதாக வரும் நட்சத்திர தினங்களிலும் திருமணம் நடத்தக்கூடாது என்பது 12வது விதி.
12. கடைசியாக மணமக்களின் பிறந்த தேதி அல்லது கிழமைகளிலும் கல்யாணம் பண்ணக்கூடாது.
இவ்வளவு விஷயங்கள் தெரிந்து கொண்டபின் நீங்களே அனைத்து சுபகாரியங்களுக்கும் நல்ல நாள் பார்த்துவிடுவீர்கள் தானே. அவரவர் குலதெய்வத்தை மனதில் வேண்டிக்கொண்டு உங்கள் வீட்டில் உள்ள பெரியவர்களின் ஆசியுடன் நல்லதொரு நாளைக் குறியுங்கள். அனைத்துக் காரியங்களும் தடையின்றி இனிதே நிறைவேறிட இறைவன் அருள் பரிபூரணமாக கிடைக்கும்.

படித்த இட்ம்:http://yessugumaran.blogspot.in/2014/02/

ஜோதிடம் |

Your Destiny and Scientific Hand Analysis

Posted by ss Tuesday, October 17, 2017 0 comments

புத்தகங்கள் |

Take a look at why I became a member of InfinityTrafficBoost...

Posted by ss Thursday, August 31, 2017 0 comments

Take a look at why I became a member of InfinityTrafficBoost...

ஹோமியோபதி விவசாயம்...

Posted by ss Sunday, December 25, 2016 0 comments

ஹோமியோபதி விவசாயம்.,3
(முந்தைய கட்டுரையின் செழுமை வடிவம்)
பயிர்களுக்கு வரும் முக்கியமான பேன் போன்ற பூச்சிகள் தான் அவை ஒருமாதிரி பிசுபிசுவென இலைகளை ஆக்கி மாவு போன்ற பொருளை சுரந்து பயிர்த்தண்டை பாழாக்கி விடும். இவற்றுக்கு அவற்றின் அறிகுறிகளின் அடிப்படையில் ஹோமியோபதியில் சிறப்பான நிவாரணிகள் உள்ளன.

ஹோமியோபதி மருந்துகள் பயன்படுத்தும் முறை:
பயிர்களுக்கு தேவையான பொருத்தமான மருந்தை திரவ வடிவில் (DILUTION) அல்லது இனிப்பு உருண்டை வடிவில் (GLOBULES) வாங்கி வைத்துக் கொள்ளவும். 10 லிட்டர் தண்ணீருக்கு 5 சொட்டு அல்லது 5 உருண்டைகள் போட்டு நன்றாக கலக்கவும், குச்சியோ அல்லது கரண்டியோ கொண்டு நன்கு ½ மணி நேரம் கலக்கவும். கலக்கியபின் தெளிப்பான் உதவியுடன் பயிர்களுக்கு தெளிக்கலாம்;அல்லது சொட்டுநீர்ப்பாசானமாக இருந்தால் பாசான நீரில் கலந்து விடலாம்.
மருந்து ஒரு முறை தெளித்தால் அல்லது நீரில் பாய்ச்சினால் போதுமானது, பயிரின் நிலைமையை பொறுத்து இரண்டு அல்லது மூன்று முறை கொடுக்கலாம்.
பயிரின் நிலைமையில் முன்னேற்றம் ஏற்பட்டால் மீண்டும் மருந்து கொடுக்க வேண்டிய அவசியமில்லை; முன்னேற்றம் ஏற்படாதபட்சத்தில் மீண்டும் அதன் அறிகுறிகளை உற்று கவனித்து அதற்கு பொருத்தமான மருந்தை தேர்வு செய்து கொடுக்க வேண்டி வரலாம்.
பேன் தொல்லையுடன் இலை சுருண்டு போதல்,/பூ சுருண்டு போதல், ஒட்டக்கூடிய வகையான சுரப்புகள் உள்ள நோய்த் தன்மைக்கு சிமிசிபுகா (Cimicifuga) 30 ஓர் அருமையான மருந்து.
பேன் தொல்லையுடன் கண்டுகொள்ளாமல் விடப்பட்ட(அதாவது பராமரிக்காமல் அல்லது தண்ணீர் விடாமல் விடப்பட்ட) அல்லது அதிக உரமூட்டப்பட்டதால் பாதிக்கப்பட்ட பயிர்கள் அல்லது தாவரங்களுக்கு நேட்ரம் குளோரேட்டம் (Natrium chloratum) 30 .
பேன் தொல்லையுடன் பலவீனமான குறுகிய ,குள்ளமான ,வளராத, குளிர்ச்சியை தாங்க முடியாத அல்லது குளிர்ச்சியால் நோயுறக்கூடிய தாவரங்களுக்கு சோரினம் (Psorinum) 200 முக்கிய மருந்து
பேன் தொல்லைக்கு மிக முக்கியமான மருந்து அதனுடன் காயங்களாலோ,அடிபட்டதாலோ பலவீனமடைந்த தாவரங்களுக்கு ஸ்டாபிசாக்ரியா Staphysagria 30 அல்லது200

https://www.facebook.com/BalasubramanianPazhaniappan?hc_ref=NEWSFEED

Image may contain: plant, nature and outdoor

LikeShow more reactions

CommentShare
.

விவசாயம் |

ஹோமியோபதி விவசாயம்

Posted by ss 0 comments

விவசாயிகளின் தோழன்
ஹோமியோபதி சிலிக்கா
எந்த ஹோமியோ மருந்து பலவீனமான தாவரங்களை பலமாக்குகிறது? பாலைவனத்தை சோலைவனமாக்குகிறது? களைகளை களையும் மருந்தாக.. நீர் தேங்காமல் வறண்டிருக்கிற நிலத்தை ஈரப்பதமான வளமான மண்ணாக்கும் மருந்து எது?????
சிலிக்கா (எ) சிலீஜியா
Silicea!
வேறெந்த மருந்தும் இவ்வளவு குறைவான விலையில் பலவிதமான பயிர்களின் பிரச்சனைகளையோ, பலவிதமான மண் பிரச்சனைகளையோ தீர்க்கமுடியாது.
சிலிக்கா(SILICA) என்பது வெறும் மணல் அது ஹோமியோபதி முறையில் வீரியப்படுத்தப்பட்டு இலத்தீன் பெயரான சிலீஜியா(SILICEA) என்று அழைக்கப்படுகிறது.
சிலிக்காவின் பயன்களை ஒரு முறை அறிந்த எந்த ஒரு விவசாயியும் தனது தோட்டத்தில் சிலிக்கா இல்லாமல் விவசாயம் செய்யமாட்டார்.
ஏன் என்று பார்ப்போம்.
விவசாயத்தில் சிலிக்காவின் பயணம் எப்படி தொடங்கியது?
ஹோமியோபதியில் சிலிக்கா ரொம்ப காலமாகவே மனிதர்களுக்கும்,விலங்குகளுக்கும் வரக்கூடிய நோய்களைத் தீர்க்க பயன்பட்டு வருகிறது, ஆனால் பயிர்களுக்கும் மண் சார்ந்த பிரச்சனைகளுக்கும் இதன் பயன்பாடு அறியப்படாதது மட்டுமல்ல புதியதும் ஆகும்.
மனிதர்களுக்கு (விலங்குகளுக்கும் கூட) எதற்கு பயன்படுகிறது சிலிக்கா?
தன்னம்பிக்கையின்மை,வறண்ட தோல், பலவீனம், சோர்வு, தாமதமான வளர்ச்சி, புண் சீக்கிரம் ஆறாமை,நோய்த்தொற்று மற்றும் சீழ்க்கட்டிகள்,செழிப்பின்மை.
இந்த குறிகள் பயிர்களிலும் நிலத்திலும் ஒத்திருந்ததை கண்ட ஹோமியோபதியர் சிலிக்காவின் பரந்து அகன்ற பயனை உணர்ந்தனர்.
தோட்டக்கலை மற்றும் விவசாயத்தில் சிலிக்காவினது போன்ற நோய்க்குறிகள் சமீபத்தில் தான் கண்டுபிடிக்கப்பட்டன.இது விவசாயத்தில் மிக முக்கியமான கண்டுபிடிப்பு.இயற்கை விவசாயத்தை நோக்கி விவசாயிகளை திருப்ப இது ஓர் அத்தியாவசிய தேவை.
பயிர்களின் ஆரோக்கியம் மற்றும் பலத்திற்கு சிலீஜியா:
இயற்கையாக சிலிக்கா மண்ணில் இல்லாமல் தாவரங்களால் நிற்கவோ அல்லது வளரவோ முடியாது. சிலிக்கா ஒவ்வொரு செல்லிலும் திசுவிலும் வேலை செய்து பலத்தையும், உறுதியையும் கொடுக்கிறது.இது செல்களில் நடைபெறும் எல்லா நடைமுறைகளையும் சீராக்குகிறது, மற்றும் உடையக்கூடிய நிலையில் இருந்தாலும் இது ஆரோக்கியமான எதிர்ப்பாற்றலை வழங்குகிறது. மண்ணில் சிலிக்கா சத்து இல்லாமல் இருந்தாலோ அல்லது தாவரங்களால் சிலிக்காவை கிரகிக்க முடியாமல் போனாலோ ஹோமியோபதி சிலிக்கா இந்த உலகத்தையே மாற்றுகிறது.
பலவீனமான மெலிந்த மற்றும் நீண்டு களைபோல வளரும் தாவரங்கள்,பூஞ்சைத்தாக்குதலுக்கு உள்ளாகக் கூடிய சாத்தியமுள்ள தாவரங்கள் எல்லாம் சிலிக்கா தெளிக்கப்பட்ட சில நாட்களிலே உறுதியாகவும் தீவிரமான பலத்துடனும் வளர்வதை கண்டு வியப்பில் ஆழ்வீர்கள்.
சிலீஜியா மண்ணுக்கான சத்து மருந்து
உண்மையில் மண்ணில் அரிதாக சிலிக்கா இல்லாமல் இருந்தால் சிலிக்காவை அப்படியே மண்ணுக்கு ஊட்டச்சத்தாக கொடுப்பதோ, துணை உரமாகக் கொடுப்பதோ கடினமானது- அதே நேரத்தில் ஹோமியோபதியில் வீரியப்படுத்திய சிலிக்கா தெளித்தபின் பயிர்களின் ஆரோக்கியம் மேம்படுவது மட்டுமல்லாமல் மண்ணில் உள்ள சிலிகாவை உறிஞ்சிக்கொள்ள உதவுகிறது. இதற்கும் மேலாக மண்ணின் அயனியாக்கத்தில் வினை புரிந்து அதை மாற்றி மண்ணானது ஈரப்பதத்தை தக்க வைத்துக் கொள்ள உதவுகிறது.
நாற்று நடுதலால் ஏற்படும் அதிர்ச்சி மற்றும் பிற அதிர்ச்சிகளை தடுக்கிறது சிலீஜியா
நாற்று பிடுங்கி ஓர் இடத்தில் இருந்து வேறொரு இட்த்தில் நடுவது, பதியன் இடுவது,கிளைகளை வெட்டி நடுவது,இடம் மாற்றம் செய்யும்போது வேருக்கு ஏற்படும் பாதிப்பு அல்லது கடுமையான தட்பவெப்ப மாற்றங்கள் இவற்றால் தாவரங்களுக்கு அதிர்ச்சி ஏற்பட்டு அதனால் வளர்ச்சி தடைபெறலாம்,அல்லது வெய்யிலில் வாடிப்போகலாம்,இலைகள் உதிர்ந்துபோகலாம்,அல்லது பயிரே காய்ந்து இறந்து போகும் ஆபத்தும் ஏற்படலாம்.
ஒரே ஒரு முறை சிலீஜியாவை நடவுக்கு முன்போ அல்லது பின்னரோ தெளித்தால் அது பயிரை பலமாக்கும் அதிர்ச்சியில் இருந்து விடுவிக்கும், சோர்வைத் தடுக்கும்.
பூச்சிகளுக்கும் நோய்களுக்கும் எதிராக தாவரங்களை பலப்படுத்துகிறது சிலீஜியா
ஹோமியோபதி சிலிக்கா தாவரங்களை பூஞ்சைகள்,காளான்கள் ,பூஞ்சைக்காளான்,வேர்க்கரையான் மற்றும் சில அரித்துத் தின்னும் காளான்களிடமிருந்தும் பாதுகாக்கிறது. அதுமட்டுமில்லாமல் பூச்சிகளிடமிருந்தும்(அசுவினி,மொக்குப்புழு,நாரத்தைப்பூச்சிகள்,பழ வண்டுகள்) பயிர்களை பாதுகாக்கிறது. ஆனால் கவனம் ஒரே முறை மட்டும் தான் தெளிக்க வேண்டும்.
ஹோமியோபதி விவசாயத்தந்தை வைகுந்தநாத் தாஸ் கவிராஜ் அவர்கள் தன்னுடைய புத்தகமான HOMOEOPATHY FOR FARM AND GARDEN இல் ஒரு சம்பவத்தை விவரிக்கிறார். ஒரு மரக்கன்று ‘நுனியில் தொடங்கி அடி வரை கருகும் நோயில்’ (dieback disease)பாதிக்கப்பட்டு முக்கால்வாசி பட்டை கருகிவிட்டது. ஒரு பகுதி பட்டையில் மட்டும் பச்சையம் இருக்கிறது,அதுவும் தளர்ந்து வறண்டு மடியும் தருவாயில் இருந்தது.
சிலீஜியா கொடுத்த ஒரு நாளிலே பட்டைகளில் பச்சையம் துளிர்த்து நடுத்தண்டுடன் ஓட்ட தொடங்கியது, அடுத்த ஒரு வாரத்திலே அதிசயம் நிகழத் தொடங்கியது, மரம் புது இலைகளுடன் துளிர் விட ஆரம்பித்தது.நுனியிலிருந்து கருகுதல் நோயானாது உலகின் பல நாடுகளில் கட்டுப் படுத்த முடியாத நோயாக இருக்கிறது. இதனை கட்டுப்படுத்தும் அல்லது தீர்க்கும் இந்த முறையானது வரவேற்கக்கூடிய செய்தியாகும்.
விதையின் முளைப்புத் திறனை தூண்டுகிறது சிலீஜியா:
விதைகளை விதைப்பதற்கு அரை மணி நேரம் முன்பு சிலீஜியா கரைத்த கரைசலில் விதைகளை முக்கி அரை மணி நேரம் வைத்து எடுத்து பின் விதைத்தால் அது பல வருடங்களாக பாதுகாத்த விதையாக இருந்தாலும் அதன் முளைப்புத் திறனை தூண்டுகிறது சிலீஜியா. சிலீஜியா கரைசலில் முக்கி எடுக்கப்பட்ட விதையானது, விதைத்த அடுத்த சிலநாட்களிலே உறுதியான வேர்களுடன் தளிர் விடத் தொடங்கும், பயிரும் செழிப்பாக வளரும். அது மட்டுமில்லாமல் நோய்த்தாக்குதலில் இருந்து தடுப்பதுடன் பூச்சிகளின் தாக்குதலையும் குறைக்கிறது.
சிலீஜியா அழகான மற்றும் விருத்தியுடைய மலர்களை உற்பத்தி செய்கிறது:
ஒரு முறை மலர்மொட்டுகள் மீது சிலீஜியா தெளித்து விட்டால் அது மலரும் பூக்களின் அளவையையும் எண்ணிக்கையையும் அதிகரிக்கும்
சிலீஜியா களையை ஒழித்து நிர்மூலமாக்குகிறது:
வருடாந்திர களைப் பிரச்சனைகளை பாதுகாப்பாக களைகிறது சிலீஜியா. களைச்செடிகள் பூ வைக்கும் தருணத்தில் 10 நாட்களுக்கு ஒரு முறையாக இரண்டு தடவை களைச்செடிகளின் பூக்களின் மீது மட்டும் கவனமாக தெளித்து விடுங்கள்.பின் அந்த பூக்கள் முதிராமலே உதிர்ந்து விடும்,அடுத்த வருடத்திற்கான களைச்செடியின் விதையும் இல்லாமல் போய்விடும்.
இது தான் ஹோமியோபதி ..ஒரு முறை தெளித்தால் அது மருந்தாக வேலை செய்யும்.அதே பல தடவை தெளித்தால் அதுவே நோயை உண்டு செய்யும்.இது ஹோமியோபதி தத்துவம்.அளவுக்கு மிஞ்சினால் அமிர்தமும் நஞ்சு..இந்த பழமொழி ஹோமியோபதிக்கும் பொருந்தும்.
சிலீஜியா காய் நன்கு பிடிக்க செய்கிறது மற்றும் பழங்கள் உதிர்வதை தடுக்கிறது :
பூக்கும் தருவாயில் ஒரே ஒரு முறை சிலீஜியா தெளித்து விட்டால், அது செடியோ, மரமோ அது நன்கு காய் பிடிக்க உதவுகிறது, பிஞ்சு உதிர்தலை தடுக்கிறது. பழங்கள் பிஞ்சிலே உதிர்ந்து விடாமல் உறுதியாக இருக்க உதவுகிறது.
ஆனால் எச்சரிக்கை.! ஒரே தடவை மட்டும் தான் தெளிக்க வேண்டும், நிறைய தடவை தெளித்தால் எல்லாம் தலைகீழாகிவிடும். களைச்செடிகள் அழிவது போல் அறுவடைக்கு முன்பே பயிர்களும் அழிந்துவிடும்.
சிலீஜியா மண்ணை வளமாக்கி நல்ல நீர் தேக்கியாக, சத்தை உறிஞ்சக்கூடிய வகையில் மாற்றுகிறது.
சிலவகையான நிலங்கள் நீரை ஏற்காது புறந்தள்ளிவிடும். சில ஓடைமண், களிமண் நிலங்கள்,சரளைமண் நிலங்கள்,புழுதிமண் வயல்கள் மற்றும் சில கரிம தாதுக்கள் அதிகம் கொண்ட மண் எல்லாம் நீரை உறிஞ்சாமல் ஓடவிட்டுவிடும். நீரை கிரகிக்கும் தன்மை இவ்வகையான நிலங்களுக்கு குறைவு.மழை பெய்தாலும் நீர் பாய்ச்சினாலும் இவ்வகையான நிலங்களில் நீர் தேங்காது ஓடிவிடும், ஈரப்பதத்தை நீண்ட நாட்களுக்கு தக்க வைக்க இந்த வகையான நிலங்களுக்கு திறன் இருக்காது. இதனால் இந்த நிலங்களில் விளையும் பயிர்கள் நீரின்றி வறண்டு கிடக்கும்.
சிலீஜியா இதை மாற்றும். ஒரு முறை சிலீஜியா பாய்ச்சினால் அல்லது தெளித்து விட்டால் போதும் மண்ணின் தன்மையை மாற்றிவிடும்,பின்னர் மந்திரம் செய்தாற்போல் அந்த மண்ணானது நீரை கவர்ந்து ஈரப்பதத்தை தக்க வைத்துக் கொள்ளும், நீர் உறிஞ்சு திறனும் மேம்படும்.
குறிப்பு:
சிலீஜியா மனையாக மாற்றப்பட்ட அல்லது கெட்டிதட்டிப்போன நிலங்களை சீர்படுத்தாது, இவ்வகையான நிலங்களை முதலில் உழுது செம்மைப்படுத்த வேண்டும் பின்னரே சிலீஜியா பாய்ச்ச வேண்டும்.
பாலைவனத்தை சோலைவனமாக்கும் சிலீஜியா:
சிலீஜியாவின் குறிப்பிடத்தக்க திறன் என்னவென்றால் குறுகிய காலத்தில் பாலைவனத்தை சோலையாக்குவதுதான்.
ஒரு முறை சிலீஜியா பாய்ச்சப்பட்டால் மழை பெய்யா காலங்களில் கூட
6 வாரம் வரை ஈரப்பதத்தை சேமிக்குமளவுக்கு மண்ணை பக்குவப்படுத்திவிடும்.
சிலீஜியா பாய்ச்சிய பின் மக்கிய குப்பை மற்றும் மாட்டுச்சாணம் போன்ற இயற்கையாக கிடைக்கக்கூடிய உரங்களையும் போட்டால் மண் இன்னும் வளம்பெறும்.
கவிராஜ் ஆஸ்திரேலியாவில் இருந்தபோது 1990களில் தனக்கு ஏற்பட்ட அனுபவத்தை அடிக்கடி குறிப்பிடுவார். மேற்கு ஆஸ்திரேலியாவில் பெர்த்தில் கவிராஜூம் அவரது நண்பர்களும் ஒரு பண்ணையில் மரம் நடும் பணியில் ஈடுபட்டிருந்தனர். அந்த நிலமானது கரடுமுரடாக முற்றிலும் வறண்டு முழுதும் மணலாக இருந்தது.
கவிராஜ் அவர்கள் அந்த நிலம் முழுதும் சிலீஜியாவை தெளித்துவிட்டு 6 வாரங்கள் கழித்து மரம் நடலாம் என திரும்பி விட்டார்.
6 வாரங்கள் கழித்து பல நூறு மரக்கன்றுகளுடன் வந்த நண்பர்களுக்கு ஒரே ஆச்சரியம்! முற்றிலும் வறண்ட மணல் மேடு இப்போது பசுமையாக ஈரப்பதத்துடன் ஆங்காங்கே சில பயிர்கள் துளிர் விட்டிருந்தது. அனைத்து மரக்கன்றுகளையும் நட்டுவிட்டு அடுத்த 6 வாரங்களுக்கு பிறகு வந்து பார்க்கும்போது இந்த மண்ணில் எதிர்பார்க்கப்பட்ட வளர்ச்சியை விட அதிகமாக எல்லா மரக்கன்றுகளும் நன்கு உறுதியாக, செழிப்பாக மளமளவென்று வளர்ந்திருந்தன.இவை அனைத்தும் நடந்தது ஒரு முறை மட்டும் தெளிக்கப்பட்ட சிலீஜியாவால். இதுவரை இப்படி வறண்ட நிலம் பசுமையானதாக மாறி என் வாழ்நாளில் கண்டதில்லை என கவிராஜ் குறிப்பிடுகிறார்.
புல்லே முளைக்காத மேட்டாங்காடுகளையும் பசும் புல்வெளியாக மாற்றும் திறன் சிலீஜியாவுக்கு உண்டு என கவிராஜ் குறிப்பிடுகிறார்
“சிலீஜியா பசுமைப்புரட்சியானது நடைமுறைக்கு வந்தால் மேலும் பல பாலைநிலங்கள் சாகுபடி நிலங்களாக மாறும், அவை கார்பன் டைஆக்சைடு உள்வாங்குதலை மேலும் 30லிருந்து 40% வரை அதிகப்படுத்தி அதன்மூலம் கார்பன் சுழற்சியை ஒழுங்குபடுத்தி உலக வெப்பமயமாதலை கட்டுக்குள் கொண்டுவருவது மட்டுமல்லாமல் வறட்சியால் பஞ்சம்,பட்டினி வராது,அனைவருக்கும் உணவு நிச்சயம் கிடைக்கும். பட்டினியால் இறப்பு நிகழாவண்ணம் இந்த உலகம் மாறும்.இப்பூமி சொர்க்கமாக மாறும்” என கவிராஜ் உறுதியாக கூறுகிறார்.
எச்சரிக்கை:
எதுவுமே அளவுக்கு மிஞ்சினால் அது அமிர்தமே ஆனாலும் நஞ்சு தான் என்பது சிலீஜியா விஷயத்தில் மிகச்சரியானது. ஏனெனில் ஹோமியோபதியை பயன்படுத்தும் விவசாயிகள் விளைச்சலை அதிகரிக்கும் ஆசையில் திரும்ப திரும்ப தேவையற்ற வகையில் அளவுக்கதிமாக சிலீஜியாவை கொடுத்து விட்டு மோசமான எதிர்விளைவுகளை கண்டு நம்மிடம் குறை சொல்வார்கள். உதாரணத்திற்கு எடுத்துக் கொண்டோமானால் திடகாத்திரமான மரத்திற்கு சிலீஜியாவை திரும்ப திரும்ப கொடுத்தால் மரமானது உருக்குலைந்து பூச்சித்தாக்குதலுக்கு ஆளாகி சிலீஜியாவின் எந்த நோய்க்குறிகளை குண்ப்படுத்துமோ அந்த நோய்க்குறிகள் அனைத்தும் அந்த மரத்தை தாக்கும்.
(இந்த நிகழ்வுகள் இதன் தத்துவமான நிரூபண விதி பற்றி விரிவாக ஹோமியோபதி தத்துவத்தை விவரிக்கும் புத்தகமான ‘Organon of Medicine’ இல் Dr Samuel Hahnemann சொல்லியிருக்கிறார்.)
இதுவே தான் விதை மற்றும் காய்கனி விஷயத்திலும் நடக்கிறது.ஒருமுறைக்கு மேல் பூக்கும் பருவத்தில் சிலீஜியா தெளிப்பதால் காய்,விதை உற்பத்தியாவதற்கு பதிலாக நின்றுவிடும். திரும்ப திரும்ப தெளிப்பது களைச்செடிகளை ஒழிப்பதற்கு வேண்டுமென்றால் நன்மை பயக்கும்,ஆனால் வளர்ந்துவரும் காய்கனிகளுக்கு விரும்பத்தக்க விளைவைக் கொடுக்காது.
மேலும் இறுதியாக சிலீஜியா எப்படி பாலையை சோலையாக்குமோ அதுபோல அதிகப்படியாக கொடுத்தால் சோலையையும் பாலையாக்கிவிடும். ஒரு தடவை,ஓரே தடவை அதுவே பசுமையாக்க போதுமானது- அதிக அளவு ஆபத்தானது.எவ்வளவு குறைவான அளவில் மருந்தை தருகிறோமோ அந்த அளவுக்கு நல்லது. அப்போது மட்டுமே ஹோமியோபதி நன்றாக வேலை செய்யும்.
எப்படி பயன்படுத்துவது சிலீஜியாவை?
பொதுவான வீட்டுத்தோட்ட உபயோகத்திற்கு சிலீஜியா 6c ஒரு உருண்டையை 200மில்லி நீரில் கலந்து நன்கு பலம் கொண்டவரை குலுக்கவேண்டும்,அதற்கு பிறகு செடியிலோ அல்லது மண்ணிலோ ஈரமாகும் வரை தெளிக்கவேண்டும்.அவ்வளவுதான் எளிது.!
விவசாயிகள் உபயோகத்திற்கு தண்ணிரின் அளவையும் மருந்து உருண்டையின் அளவையையும் தேவைக்கேற்ப அதிகப்படுத்திக்கொள்ளவேண்டும்.ஒன்றே நன்றாக நினைவில் கொள்ளுங்கள்,ஒருமுறை மட்டுமே தெளிக்க வேண்டும்.
களைச்செடிகளை அழிக்க மட்டும் இரண்டு அல்லது மூன்று முறை அதுவும் கவனமாக களைச்செடிகள் மேல் மட்டும் படும்படியாக தெளிப்பது அவசியம்.
விதைகளின் முளைப்புத்திறனை ஊக்குவிக்க 20 நிமிடங்கள் சிலீஜியா கலந்த கரைசலில் ஊறவைத்தலே போதுமானது.
சாராம்சம்:
சுருக்கமாக சொல்வதானால் ஒரு வேளை மட்டும் கொடுக்கப்பட்ட சிலீஜியா மண்ணில் ஆழமான மாற்றங்களை ஏற்படுத்தி அதன் உற்பத்தித்திறனையும் அதிகரித்து பயிரின் ஒவ்வொரு காலகட்டத்திலும் அதனைக் காக்கிறது.
மேலும் சிலீஜியாவால் நிலங்களில் காணப்படும் மாங்கனீசு நச்சுத்தன்மையை முறிக்கிறது,மண்ணின் அயனியாக்கத்தை மாற்றுகிறது;
ஈரப்பதத்தை தக்க வைக்கிறது;
முளைப்புத்திறனை ஊக்குவிக்கிறது;
மழைப்பொழிவு குறைவான இடங்களில் உள்ள தாவரங்களையும் வாழவைக்கிறது;
பலவீனமான தாவரங்களை பலமுள்ளதாக்குகிறது;
மரங்களை உறுதியாக்கி மரத்தண்டை தடிக்கவைக்கிறது அதன்மூலம் நுனிக்கருகல் நோயிலிருந்து காக்கிறது;
பயிரின் நோயெதிர்ப்புச்சக்தியை அதிகப்படுத்தி பூச்சிகளிடமிருந்தும் நோயிடமிருந்தும் காக்கிறது;
பெரிதான மற்றும் அதிகப்படியான மலர்களையும் பழங்களையும் காய்களையும் தருகிறது;
உடையும் தண்டுகள் மற்றும் இலைகளுக்கு பதிலாக உறுதியான தண்டுகளையும் இலைகளையும் தருகிறது;
மரப்புற்றுநோய்,கசப்பு நோய்,காயங்கள்,கத்தரித்துவிடுதலால் ஏற்படும் ஆறாத இரணங்கள்,இடித்தாக்குதல் மற்றும் செயற்கையான சேதங்களில் இருந்து விரைவில் குணமாகி மீண்டுவர தூண்டுகிறது;
ஓரிடத்திலிருந்து வேறு இடத்திற்கு பிடுங்கி நடுதலால் ஏற்படும் அதிர்ச்சி மற்றும் உளைச்சலில் இருந்து மீண்டு வர உதவுகிறது;
சிலீஜியாவின் குறிப்பிடத்தக்க இந்த அருஞ்சாதனைகள் தாவரங்களுக்கு பொருந்தும் அதேவேளை மனிதர்களுக்கும் விலங்குகளுக்கும் பொருந்தும் .என்ன சிலீஜியாவின் குறிகளுக்கு ஒத்து இருக்க வேண்டும்.
விவசாயத்தில் வெற்றி பெற ஒரே வழி தாவரத்தின் நோயும் மருந்தின் குணங்குறிகளும் ஒத்துபோகிறதா என்பதை அறிவதே. இதை புரிந்து கொண்டால் நீங்கள் இயற்கையை புரிந்து கொள்கிறீர்கள்.,ஹோமியோபதியை புரிந்துகொள்கிறீர்கள்.
முடிவாக உங்கள் தாவரங்களுக்கு இது போல் பிரச்சனைகள் இருப்பின் சிலீஜியாவை பயன்படுத்திப் பாருங்கள். விளைவு அற்புதமாக இருக்கும்.
மேலும் சந்தேகங்கள் இருப்பின் அவற்றை எங்களிடம் கேளுங்கள்.
credit to:
*homeopathyplus .com
*ஹோமியோபதி விவசாயத்தந்தை வைகுந்தநாத் தாஸ் கவிராஜ் அவர்களின் புத்தகமான HOMOEOPATHY FOR FARM AND GARDEN
#drprema
#drcharuvagan
agrohomoeopathy whatsapp team
aproch dindigul

https://www.facebook.com/BalasubramanianPazhaniappan?hc_ref=NEWSFEED

விவசாயம் |

HE MIXED 3 INGREDIENTS AND APPLIED TO HIS HAIR! THE RESULTS AFTER 7 DAYS…UNBELIEVABLE!

Posted by ss Monday, August 15, 2016 0 comments

HE MIXED 3 INGREDIENTS AND APPLIED TO HIS HAIR! THE RESULTS AFTER 7 DAYS…UNBELIEVABLE!

Hair loss can be difficult to come to terms with. If you start to lose your hair, it can feel as if you’re losing part of your identity. This can affect your self-confidence and sometimes lead to depression.

The most common cause of hair loss is a medical condition called hereditary hair loss. About 80 million men and women in the United States have this type of hair loss.

There are many causes of hair loss. Women may notice hair loss after giving birth. People under a lot of stress can see noticeable hair loss. Some diseases and medical treatments can cause hair loss.

Beer is generally prepared from hops and malt, both of which are excellent sources of protein. In addition to protein, you’ll also get many other nutrients such as magnesium, potassium, phosphorous, B Vitamins (particularly biotin) from beer. Biotin prevents hair loss and helps promotes healthy hair growth. It also keeps dandruff away.

Bananas are a very rich source of potassium and vitamins A, E, and C, which make them the perfect choice for homemade hair growth treatments.

BEER AND HONEY HAIR MASK

Ingredients:

1 egg yolk
½ banana
½ cup of beer (100 ml)
1-2 tablespoon of honey

Directions: Put all the ingredients in a blender and mix well. Apply the mixture on your hair and wrap head with a plastic bag. Leave it on for 1 to 2 hours. Then shampoo and apply your favorite moisturizing conditioner. Repeat this at least once a week and you will be amazed by the results.

Source: http://keepyourbody.org

மருத்துவம் |

படித்தவைகள்

Followers

Labels

சிறுநீரகப் பிணிகள் தீர்க்கும் ஊட்டத்தூர் நடராஜர்!

சித்த மருத்துவம் - சித்த வைத்தியம் - siddha maruthuvam, siddha medicine

பிரபஞ்சத்தின் கால புருஷனின் முதல் பாவம்

ஸ்ரீ விஸ்வாத சுவாமி ஆலயம்.ருத்ராஷ்வரேர் திருக்கோவில்.

இரசமணி செய்யும்முறை

பாவ சேர்க்கை பலன்கள்

சித்தமருத்துவ வாகடம்

சித்த வைத்திய சிகிச்சைக் கிரமம் என்னும் தமிழ் வைத்திய நூல்

சித்த ஆயுர்வேத மருத்துவ உத்தியோகத்தர்களுக்கான கை நூல்

ஆங்கில தேதிக்கு கிழமை கண்டுபிடிக்கும் வழி

உங்களின் அனைத்து விசேஷத்திற்கும் நீங்களே நல்ல நாள் பார்க்க எளிய வழி

உங்களின் அனைத்து விசேஷத்திற்கும் நீங்களே நல்ல நாள் பார்க்க எளிய வழி

Your Destiny and Scientific Hand Analysis

Take a look at why I became a member of InfinityTrafficBoost...

ஹோமியோபதி விவசாயம்...

ஹோமியோபதி விவசாயம்

HE MIXED 3 INGREDIENTS AND APPLIED TO HIS HAIR! THE RESULTS AFTER 7 DAYS…UNBELIEVABLE!

Blog Archive

Popular Posts